ERESENI 02

Ebibilia Nigo Egotoa Ogosemeria

Makala Iliyochapishwa

Ase ense goeta abanto nigo bagoetera emechando eyio ekogera basiria omogoko, baichana, nakoba n’obororo. Inee, kende kianyagokobera ekio kiagerete oigwe enchera buna eyio? Nabo erabe nigo ogochandeka ase engencho y’oborwaire gose ase engencho y’ogokwa kw’omonto oyobwanchete. Nabo oreborie, ‘Rinde ndire obogima boraonchorerie bobe obuya?’ Ebibilia nkoiraneria ere riborio erio ase enchera egoisanekia.

1. Inaki Ebibilia egotoa ogosemeria?

Ebibilia nigo ekoeresa naseki ense eichire n’emechando boigo yatotebia amang’ana amaya ng’a emechando eye n’eyekero egeke na bwango iga neere. Chiira chi’Ebibilia nabo chigokoa “ogosemeria ase amatuko [ao] agochigocha.” (Soma Yeremia 29:11, 12.) Ogosemeria okwo nigo kogotokoonya koremereria emechando na koba n’omogoko, nonya mbono.

2. Eira ki Ebibilia egokwanera ase chingaki chire bosio?

Ebibilia nigo egoteba igoro yechingaki chire bosio “amakweri takobao nonya ng’ake nonya nokweumia, gose okorera, gose obororo tibikobao.” (Soma Okomaanoka 21:4.) Emechando ekogera abanto bachandeka rero—buna obotaka, ogotakorerwa oboronge, amarwaire, na amakweri—tibikobao nonya ng’ake. Ebibilia egoteba ng’a mwanyabanto mbagokere obogima bwa kare na kare ase Eparadiso y’ense.

3. Inaki oraenekie ng’a chiira ch’Ebibilia nchiikeranigwe?

Abanto abange nigo basemeretie ebinto ebiya gokoreka, korende mbari na bomaene ng’a mbiikerane. Korende chiira chi’Ebibilia nchiikerane. Nabo tokoagacha okwegena gwaito ase aria egoteba goetera “kona-koriga-rigia amariko.” (Ogokora kw’abatomwa 17:11) Buna ogendererete kwegera Ebibilia mbwechorere aye omonyene gose mbwegene aria egoteba igoro yechingaki chire bosio.

EGERA AMANGE

Ringoria ebinto binde ebio Ebibilia ekoria eira ase chingaki chire bosio. Rora ogosemeria Ebibilia egotoa buna gwakoonyire abanto rero

Collage: Chibicha chikobwekania obogima abanto bamenyete rero na boria bagocha komenya ase chingaki chire bosio buna Ebibilia ekoria eira. Chibicha echi nigo chiiroreire insaa.

4. Ebibilia nigo egotoa ogosemeria ng’a ntomenye kare na kare mechando etaiyo

Rora erisiti ekobwatia yechiira chigotoka ase Ebibilia. Chiira nchirechi aye bwanchete? Naseki?

Soma amariko abwataine n’echiira echio na orengererie amaborio aya:

Inee okorengereria amariko aya nkorua are ogosemeria? Amariko aya okorengereria narue ogosemeria ase enka yao n’abasani bao?

Rengereria omenyete ense ase

ONDE TARI . . .	KERA OMONTO . . .
oraigwe bororo, kogota, gose gokwa.—Isaya 25:8.	narore abanchwa baye abakwete bakobokigwa, na komenya naende ase ense.—Yohana 5:28, 29.
orarware gose komenya n’oborema.—Isaya 33:24; 35:5, 6.	agokere afya engiya n’echinguru chi’obosae.—Ayubu 33:25.
orakorerwe ayatari oboronge.—Isaya 32:16, 17.	nabe n’endagera enyinge, enyomba engiya, n’emeremo egoisanekia.—Zaburi 72:16; Isaya 65:21, 22.
orachandeke ase engencho yechisegi.—Zaburi 46:9.	nabe nobonge bw’omorembe.—Zaburi 37:11.
oyorachandwe n’ebirengererio ebibe.—Isaya 65:17.	namenye obogima obuya kare na kare.—Zaburi 37:29.

Omomura orwarete obwenire na nigo akomokumbata ng’ina.

Omosacha konya ogotire obeire omosae na nigo agosuguma egwiribaro eichire endagera.

5. Ogosemeria gw’Ebibilia nabo kogoonchoreria obogima bwao

Abanto abange nigo bakure emioyo gose kogechigwa ase eng’encho y’emechando bagoetera. Abande nigo bagotema goonchoreria ebinto erinde bibe buya. Rora eira y’Ebibilia buna ebinto mbibe buya yakoonyire abanto bono. Orokia EVIDIO, na mokwanere amaborio akobwatia.

EVIDIO: Natagete Korwanerera Ogotakorerwa Boronge (4:07)

Collage: Chibicha korwa ase evideo ‘Nilitaka Kupigania Haki.’ 1. Rafika ekero arenge omonyaroka okogesa ebamba amo n’abanto b’egesaku kiaye. 2. Rituko ritang’ani gocha ase omosangererekano omonene o Birori ba Yehova Rafika okogokigwa mono korora abanto b’ebisaku ao ao bare n’obomo.

Ase evidio eyio gotakorerwa boronge ki kwamochandete Rafika?
Nonya ogotakorerwa boronge okwo tikwaerete, inaki Ebibilia yamokoonyete?

Ogosemeria okwo Ebibilia egotoa igoro yechikaki chire bosio nabo kogotokoonya tobe nomogoko na titokwa omoyo nonya tore nemechando. Soma Emereng’anio 17:22 na Abarumi 12:12, na mokwanere amaborio aya:

Inee okorengereria ogosemeria okwo Ebibilia egotoa nkonyare goonchoreria obogima bwao bono? Naseki?

ABANTO BANDE NIGO BAGOTEBA: “Chiira chi’Ebibilia igoro yechingaki chire bosio nemegano bosa.”

Naseki ere buya bweenekerie?

ASE OBWENG’E

Ebibilia nigo egotoa ogosemeria okuya gwechingaki chire bosio okwo kogotokoonya koremereria emechando.

Einyorie

Naseki abanto baganetie ogosemeria?
Ninki Ebibilia egokwanera igoro yechingaki chire bosio?
Naki koba nogosemeria gwechingaki chire bosio koragokoonye bono?

Chitariki ereseni eye yaerete:

Ekerenga

Egera chiira chi’Ebibilia goetera ogosoma amariko onsi are ase ereseni eye.

Ekerenga kende:

Your other goal

TUKA MONO

Egera buna ogosemeria koragokoonye ekero obwate emechando.

“Ogosemeria—Inee, Ng’ai Orakonyore?” (Amkeni!, Aprili 22, 2004)

Rora buna ogosemeria gwechingaki chire bosio kwabakoonyire baria bare na amarwaire atarikobwena.

“Inee, Ebibilia Nenkoonye Onye Kinde Noborwaire Botari Kobwena?” (Erikire ase omotandao)

Ekero okorigereria ogotera oko gw’evidio, erengererie aye amo n’enka yao mokogokera obogima ase Eparadiso yengaki ere bosio buna Ebibilia egotoriera eira.

Rengereria Obogima ase Eparadiso (3:37)

Soma buna obogima bw’oyokorwanerera amang’ana yebisaku bwaonchogete, ekero aegerete igoro y’ogosemeria gw’engaki ere bosio buna gokwanire ase Ebibilia.

“Tinganeti Naende Goonchoreria Ense” (Mnara wa Mlinzi, Julai 1, 2013)