Chora Abasani Bao ase Obong’aini

Abasani abaya nigo bakomenta omogoko oito chingaki chi’amaya, naende batobeka chinguru ekero ki’amakong’u. Korende Ebibilia nigo egotokurera ng’a tari kera oyomo orabe omosani omuya. Igo bono naki orachore abasani abaya? Rengereria amaborio akobwatia.

1. Inaki abasani orachore baragosegete?

Nigo tokoba buna abanto baria togotumea chingaki amo na barobwo. Eyio erabe buya gose bobe—na ekio n’ekeene ebe nigo togotumea chingaki amo na barobwo obosio ase obosio gose goetera eintaneti. Buna Ebibilia egoteba, “omonto ogotara nabanto abang’aini nigo arabe omong’aini, korende oyo ogosanga nabariri [abwo batamwancheti Yehova] nanyorwe namabe.” (Emereng’anio 13:20) Abasani abwo bamwanchete na komosasima Yehova mbagokoonye ogenderere koba omosani oye na gokora ogochora okuya. Korende abasani bang’e abwo batamwancheti nigo bagotoatanana korwa ase Yehova. Nakio gekogera Ebibilia egotosegeta tochore abasani baito ase obong’aini! Ekero abasani baito bare abanto abwo bamwanchete Nyasae, nigo togosegetana ase obuya. Nabo tokonyara “[koremania intwe ase intwe] na koagachana.”—1 Abatesaloniki 5:11.

2. Inaki Yehova araigwe ekero orachore abasani abaya gose ababe?

Tari kera omonto Yehova agochora koba omosani oye. “Omonene [“Yehova,” NWT] nigo are omosani bw’abanto bamoirogete.” (Zaburi 25:14) Inaki Yehova araigwe toise gochora abasani abwo batamwancheti? Nigo arabe n’omoichano! (Soma Yakobo 4:4.) Ase ensemo yende, Yehova nagokigwe na gotochora koba abasani baye, toise kwanga esagu embe na komoika ang’e amo na baria bamwanchete.—Zaburi 15:1-4.

EGERA AMANGE

3. Erende nesagu embe

Abanto batamwancheti Nyasae n’ebirengo biaye nigo bare esagu embe. Orokia EVIDIO, na mokwanere riborio rikobwatia.

EVIDIO: Egera Kwanga Esagu Embe (6:17)

• Inaki torabe togosanga n’esagu embe totamanyeti?

Soma 1 Abakorinto 15:33, na mokwanere amaborio aya:

• Monto o engencho ki orabe egosori gose esagu embe asore? Naseki?

Soma Zaburi 119:63, na mokwanere riborio eri:

• Ninki obwenerete korigereria ase omosani?

4. Abanto bebigori gose chingencho ao-ao nabo bakoba abasani baito abaya

Ebibilia nigo egokwanera abasacha babere ase Israeli ya kare, Daudi na Yonathani. Yonathani nigo abwaate emiaka emenge kobua Daudi, naende nigo arenge omwana bw’omoruoti, korende nigo babwate obosani bw’ogokumia. Soma 1 Samweli 18:1, na mokwanere riborio eri:

• Naseki abasani baito batabwenereti korwa ase ekegori gose engencho yaito?

Soma Abarumi 1:11, 12, na mokwanere riborio eri:

• Inaki abasani abwo bamwanchete Yehova barasegetane?

Ase evidio eye, rora buna omosae oyomo anyorete abasani ase chinsemo ataakagerete. Orokia EVIDIO, na mokwanere amaborio akobwatia.

EVIDIO: Nyora Abasani ase Chinsemo Otakagereti (5:06)

• Ase evidio, naseki abaibori ba Akil barenge nechitang’utang’u igoro abasani baye ase esukuru?

• Korwa omochakano naseki obosani obwo bwarenge bokogokia asare?

• Inaki abete okobua ebirengererio bi’ogotaba na abasani?

5. Buna oranyare kwagacha obosani obuya

EVIDIO: Ning’o Omosani bw’Ekeene? (4:14)

Soma Emereng’anio 18:24 na 27:17, na mokwanere amaborio aya:

• Nase nchera ki abasani b’ekeene bagokoonyana?

• Inee, nobwate abasani b’ekeene buna abwo? Onye tobwati, ninki orakore erio obatware?

Soma Abafilipi 2:4, na mokwanere riborio eri:

• Gotwara abasani abaya, noganeirie obe omosani omuya. Inaki orakore bo?

ASE OBWENG’E

Ekero togochora abasani baito ase obong’aini, nigo tokomogokia Yehova na gwekoonya intwe abanyene.

Einyorie

• Naseki ogochora gwaito kwa abasani kore kw’engencho ase Yehova?

• Mbanto buna barabi totabwenereti gochora buna abasani baito?

• Inaki oraagache obosani oboting’u nabanto abaya?

TUKA MONO

Rora buna abasani abaronge baragokoonye ase chingaki chi’obokong’u.

“Agacha Obosani Oboting’u Omoerio Otaracha” (Mnara wa Mlinzi, Novemba 2019)

Rora ebitambokero ebiya oraimokie erio koagacha obosani obuya.

“Inaki Ndanyore Abasani Abaya?” (Maswali Ambayo Vijana Huuliza—Majibu Yafanyayo Kazi, Buku la 1, sura 8)

Ninki obwenerete komanya igoro y’okonyora abasani ase emetandao?

Tumea Eintaneti Buya (4:12)

Ase omogano “Nkagania Mono Gotwara Tata,” manya ekiagerete omosacha oyomo gochora abasani oboyia.

“Ebibilia Nigo Egoonchoreria obogima” (Mnara wa Mlinzi, Aprili 1, 2012)