Nase ki Togwesoka Buya Ekero Tore ase Emesangererekano Yaito?

Kwarorire chibicha ase eburoshua eye, buna Birori ba Yehova bagwesoka buya ekero bare ase emesangererekano yabo? Nase ki togwesoka na kororekana buya?

Koorokia amasikani ase Nyasae oito. N’ekeene ng’a Nyasae nigo akorora goetani ekieni gia isiko. (1 Samweli 16:7) Korende, ekero tokoumerana komosasima, okogani gwaito gw’enkoro yonsi, n’okoorokia amasikani ase Nyasae nase abakristo baminto. Onye ndiri tware gotenena bosio bw’omogambi, nigo tware gwesoka buya, ase engencho ya amasikani y’ekerogo kiaye. Gose bono? Ase igo, enchera tokororekana ase emesangererekano nigo ekoorokia amasikani tobwate ase “Omogambi bw’ense engima,” Yehova Nyasae, nase tokomosasimera.​—Omochakano18:25.

Koorokia ebirengo bigotoraa ase obogima bwaito. Ebibilia nigo egosegeta Abakristo beboyie ‘chianga chi’ogosika, na kwerita.’ (1 Timotheo 2:9, 10) Kweboyia “chianga chi’ogosika” nigo eminetie gwetanga gwesoka chianga chiragere abanto batenene gotorigereria ase engencho chikomesa, chikogera omonto achake korengereria bobe, gose chikoorokia omobere. Naende, koba “aberiti” nigo egotokonya gochora chianga chingiya chitari chi’obworo gose chietanetie chimbebe. Ebirengo ebi bi’Ebibilia tibiri komiga nigo bigotiga obosibore bw’omonto gochora buna atagete. Goetera ase chianga chiaito, okororekana gwaito okuya tiga kobe “ekiorokererio ekiya gi’okworokereria kwa Nyasae, Omotooria oito” na “gotogia Nyasae.” (Tito 2:10; 1 Petero 2:12) Ogwesoka buya ekero tore ase emesangererekano, nigo gokobakora abanto bande koba nebirengererio ebiya gochia ase ogosasima kwa Yehova.

Totiga chianga chiao chigere toikerana ase enyomba y’Oboruoti. Tari erasima obe ne suti, gose chianga chierigori erio ororekane kore omochenu na kogwenera.

• Inaki enchera togwesoka ere y’engencho ekero tokomosasima Nyasae?

• Mbirengo ki bikoraa okweboyia n’ogwesibia gwaito?