Ninki Gekogera Tore na Tafsiri ya Ulimwengu Mpya?

Birori ba Yehova babeire bagotumia, korosia, na kobaga Chibibilia ao ao ase emiaka emenge. Korende tokaba n’okogania gw’okonyora Ebibilia ebasiririe buya, ekonye abanto koegera “komanya onsi ayare ay’ekeene,” okwo kore ogwancha kwa Nyasae ase kera omonto. (1 Timotheo 2:3, 4) Ase igo, omwaka 1950 togachaka gosokia chinsemo inke inke chi’Ebibilia y’omonwa ogokwanwa rero ya Tafsiri ya Ulimwengu Mpya. Ebibilia eye nigo ebasiririe ase obwegenwa n’oboronge ase emenwa goetania 130.

Ebibilia ere raisi gosomeka. Ase engencho emenwa egochenchia kera engaki, Chibibilia chinyinge nigo chirikire ase amang’ana amakong’u gosomeka. Naende, ebitabu bi’amariko a kare mono birikire ase oboronge mono biatokire, bigotokonya komanya buna Ebibilia yarikire agwo kare ase omonwa bw’Ekeibirania, Ekearamaiki na Ekegiriki.

Ebibilia ebasiririe ase obwegenwa ne ring’ana ria Nyasae yatakeire. Ribaga riogoonchora onchora ring’ana riutire n’omoika o Nyasae, ababasiria b’Ebibilia goika babasirie ase obwegenwa korwa ase amariko y’eritang’ani. Korende, ase Chibibilia chinyinge, erieta ria Nyasae, Yehova, riarusigwe korwa ase amariko amachenu.

Ebibilia emosigete Omoriki oye nigo yaganeirie. (2 Samweli 23:2) Ase Tafsiri ya Ulimwengu Mpya, erieta ria Yehova riairanigwe buna riarenge ase ebitabu bi’echingaki chia kare mono bi’amariko mara 7,000 buna omobwekano bw’orokirie igaa inse. (Zaburi 83:18) Ase engencho y’omokia n’obotuki bw’emiaka emenge, twanyorire Ebibilia eye ere engiya gosoma, na koorokia ebirengererio bia Nyasae. Obe kobwate gose tobwati Tafsiri ya Ulimwengu Mpya ase omonwa oo, nigo togokobeka omoyo otware omoroberio omuya bw’ogosoma ring’ana ria Yehova kera rituko.​—Yoshua1:8; Zaburi 1:2, 3.

• Naseki twaganetie koba n’Ebibilia ebasiririe buya?

• Moroberio ki o kera rituko omuya, ase onde bwensi otagete komanya ogwancha kwa Nyasae?