Ninki Ogwancha kwa Nyasae?

Nyasae natagete tomenye ase omorembe n’omogoko ase eparadiso ense goika kare na kare!

Nabo oreborie ng’a, ‘Ayio inaki aranyarekane?’ Ebibilia nigo egoteba ng’a Oboruoti bwa Nyasae mbokore ayio anyarekane, naende nigo kore ogwancha kwa Nyasae ng’a abanto bonsi beorokererie igoro y’Oboruoti obwo na ogwancha kwaye asetore.​—Zaburi 37:11, 29; Isaya 9:7.

Nyasae nigo atotakerete amaya.

Buna omoibori omuya okobatakera amaya abana baye, Tata oito ore igoro nigo aganetie ng’a tobe n’omogoko o kare na kare. (Isaya 48:17, 18) Eira yaye neria ng’a “korende ere oyogokora ogwancha kwa Nyasae nigo akoba moyo goika kare na kare.”​—1 Yohana 2:17.

Nyasae nigo atagete tobwatie chinchera chiaye.

Ebibilia nigo egoteba ng’a Omotongi oito natagete “atworokererie chinchera chiaye” erinde tonyare “kobwatia oboeto bwaye.” (Isaya 2:2, 3) Obaretire abanto amo “babogorie erieta riaye” na gokora ogwancha kwaye komanyekane ase ense yonsi.​—Ogokora 15:14.

Nyasae nigo atagete tomosasime ase obomo.

Ribaga riokobaatanana abanto, ogosasima gochenegete kwa Yehova nigo gokobarenta amo ase obwanchani bw’ekeene. (Yohana 13:35) Inee, rero mbarabi bakoborokereria abasacha na abakungu kera ase, enchera yokomosasima Nyasae ase obomo? Nigo togokwaarigania obarigie goetera eburoshua eye.