Manaen—Basɛ Ti Yehowa Pu’usegɔ Dɛna Ninmu’urɛ Ho Vom Poan

Manaen yuun laɣum pa’asɛ la keendoma sɛba n yuun boi yuun kɔbesɛka n deŋɛ nɛŋa Antiok tansugere la poan. Eŋa la “Naba Herod” n yuun laɣum keŋɛ sukuu (Tm. 13:1) Bala la, Manaen yuun mi gɔŋɔ mɛ paa. Daanse’ere a yidoma me yuun dela buntateba.

La ka pakɛ la Manaen bɔŋa la n yuun ani lumta la, a yuun loe ti a wan dɛna la Kristabia ge soŋera tansugere la. A yuun ka dekɛ eŋa n keŋɛ sukuu paɛ beense’ere ge me mina nɛrezure la, bɔ lɔɣɔrɔ bo amea. Ge a yuun tuɣum tuna la kpe’eŋo kpe’eŋo soŋera mabiisi la.

Manaen yele wa soŋɛ tɔ ti to baŋɛ ti ton wan pu’usa Yehowa la yele pakɛ mɛ gana ton wan bɔ ligeri ge nyɛ yu’urɛ tingɔŋɔ wa zuo. Wuu Manaen la, tomam me nari ti to basɛ ti Yehowa pu’usegɔ deŋɛ nɛŋa to vom poan gana ton wan dekɛ tingɔŋɔ wa yɛla to zuo. (Mt. 6:33) Leyɛ’ɛsa, la boi bim ti sukuu la tuuma ani soŋa ge lan wan eŋɛ se’em ti to “ta’an tuna ninmɔ’ɔrɛ tuuma la yia” la, la ka nari ti to basɛ ti yele aŋa gu to ti to kan pu’usa Yehowa soŋa.—Flp. 1:​9, 10.