Hon Wan Eŋɛ Se’em Ta’an Bɔkɛ Maɣesa Se’a N Boi Baabule La Poan

Maɣesa zo’e zo’e n boi Baabule la poan. Ge la ni kpe’em mɛ bo nɛreba zo’e zo’e ti ba ta’an bɔkɛ maɣesa wa vuurɛ. (Mt. 13:13) Ho wan eŋɛ la wani ta’an bɔkɛ maɣesa wa soŋa? Ho ta’an eŋɛ yele ana wa:

• Baŋɛ yelezure la n de se’em, la ban dekɛ makɛ sɛla la. Makerɛ,Yezu tɔɣɛ ti la bɔna Liligere 3:3 ti, eŋa wan wa’ana wuu nayiga la. Bala la, yelezure se’ere n boi bim la dela Yezu wan wa’ana. Ge a dekɛ eŋa n wan wa’an se’em na la makɛ la nayiga.

• Ti’isɛ bisɛ yelezure la, la ban dekɛ yelezure la makɛ sɛla la n wɔ̃ni taaba se’em. Ti’isɛ bisɛ sɛla n sɔi ti ba dekɛ yelezure la makɛ bala, la yelese’a n basɛ ti ba wɔ̃na taaba.

• Tiregɛ bɔkɛ makerɛ la vuurɛ soŋa. Saŋa ase’a nɛra ta’an kan bɔkɛ makerɛ vuurɛ. Makerɛ, Yezu n yuun makɛ yeti eŋa keni me na wuu nayiga la ka pa’alɛ ti a keni na ti a zũ la sɛla. Ge la vuurɛ dela, wuu nayiga n ni ka pa’alɛ sansɛka ti a wan wa’ana zũ la, bala mea ti Yezu ka pa’alɛ se’em ma’a ti a wan wa’ana.