Yehowa Sɛɛradoma Tari Sakerɛ Bɔ’ɔra Yezu?

Ɛɛ. To tari sakerɛ bɔ’ɔra Yezu mɛ la eŋa n yuun yeti: “Mam de sore la, dɛna yelemɛŋɛrɛdaana la, ge dɛna vom daana la. Nɛra ka boe n wan ta’an keŋɛ mam Sɔ la zen’en, han dagana, a doohe la mam zen’en keŋɛ bini.” (Yon 14:6) To tari sakerɛ ti Yezu ze’ele la saazuo sige teŋgɔŋɔ wa zuo na ki faaɛ to basɛ. (Matu 20:28) Eŋa n yuun ki ti Naayinɛ isige en la basɛ ti sɛba n tari sakerɛ bɔ’ɔra en la wan nyɛ la vom n ka tari ba’asegɔ. (Yon 3:16) To me mi ti Yezu nyaa dela Naayinɛ Na’am la Naba saazuo sa ge ti la kan yue a wan basɛ ti suma’asum bɔna teŋgɔŋɔ wa zuo. (Liligere 11:15) Ge to sirum sakɛ Yezu n yuun yeti: “Sɔ la . . . . gane mam.” (Yon 14:28) To ka pu’useri bɔ’ɔra Yezu sɛla n sɔi la to ka sakɛ ti a dela Gaŋɛ Za’a Naayinɛ la.