Yehowa Sɛɛradoma Dela Kristakɔma?

Ɛɛ. Yele ana n pa’alɛ ti to dela Kritakɔma:

• To tiregɛ dɔla la Yezu Krista pa’alegɔ la a makesonɛ la ma’a ma’a.​—1 Peter 2:21.

• To sakɛ ti Yezu poan ti to wan nyɛ fãarɛ ge “Yenɛ daa ka bahɛ te nɛra ayema bɔna teŋa wa zuo te nɛra wan yi a yu’urɛ te a fan en bahɛ.”​—Tooma 4:12.

• Nɛreba ni muse ko’om la Yezu yu’urɛ poan nyaa dɛna Yehowa Sɛɛradoma.​—Matu 28:18, 19.

• To ni zuse la Yezu yu’urɛ poan.​—Yon 15:16.

• To sakɛ ti Yezu n de Zuodaana bii mina ti ba loe ti a tara kpe’eŋo nɛresaala woo poan.​—1 Korint 11:3.

Ge tomam la pu’usegɔ se’a ti ba yi’ira ba Kristakɔma boi la tɔka tɔka yɛla ase’a poan. Makerɛ, to sakɛ ti Baabule la pa’alɛ ti Yezu dela Naayinɛ Dayɔa ge la ka pa’alɛ Trinitaasoŋa yele. (Mark 12:29) To ka sakɛ ti sia la ka kiiri. Baabule la me ka pa’alɛ ti Naayinɛ wan nyɔ nɛreba bugum poan daarewoo. Nɛresɛba n boi nɛŋa pu’usegɔ yɛla poan ka nari ti ba tara na’asegɔ yu’ura zɛkera bamesi.​—Pa’ala 9:5; Ezekiel 18:4; Matu 23:8-10.