N San Zusɛ Naayinɛ, A Wan Soŋɛ Mam?
Baabule la lebesego
Ɛɛ, Naayinɛ wan soŋɛ sɛba n mu’ɛ nini ɛɛra yelese’a n makɛ la a puti’irɛ n boti sɛla la. Hali ho san puɣum ka tabelɛ zusɛ, Baabule poan ti nɛresɛba zusɛ yeti, “Naayinɛ, soŋɛ mam” la, wan kpemese ho giila. Makerɛ:
“O Yehowa, mam Naayinɛ; soŋɛ mam, faaɛ mam la ho ninbɔzore la, basɛ.”—Yooma 109:26, A Literal Translation of the Bible.
“Mam dela tarema ge dɛna nasa: O Naayinɛ, soŋɛ mam.”—Yooma 69:6, Douay Version.
La dela yelemɛŋɛrɛ ti se’em n gulesɛ yele ana wa yuun tari sakerɛ bɔ’ɔra Naayinɛ mɛ. Ge Naayinɛ keleseri sɛba woo n zuseri en la putɛsonɛ la. Maɣesɛ wuu, “sɛba suure n sa’am” la bii “sɛba giila n kɔ’ɔsɛ la basera.”—Yooma 34:18.
La ka nara ti ho zɔta dabeem ti yelese’a n paara ho la, Naayinɛ zaaɛ mɛ la hɔ. Baabule la yeti: ‘Naayinɛ boi la zuin zuin sa, a biseri tarendoma mɛ na ge sɛba n pa’alɛ bamesi, a me zaaɛ mɛ la ba.’ (Yooma 138:6) Yezu yuun yele a podɔleba la ti: “A kaalɛ ya zuo zonto la za’a mɛ.” (Matu 10:30) Naayinɛ mi to soŋa mɛ gana ton mi tomesi se’em la. La wan eŋɛ la wani ti a kan kelese to, putɛyiila san tara tɔ ti to zusera ɛɛra ti a soŋɛ tɔ!—1 Peter 5:7.