Baabule La Tɔɣɛ Warɛ Yele La Wani?

“China tiŋa bo lasebaarɛ ti, yuunɛ wa poan ba tiŋa la ku’ɛ mɛ ge tulegɛ gana yuunse’a n tole la.”—The Guardian, September 7, 2022.
“Yuunɛ wa wan pa’asɛ la yuuma anuu n wana ti warɛ sige Africa tisi ase’a poan.”—UN News, August 26, 2022.
“Ba pa’alɛ ti warɛ wan sige Europa tisi zo’e zo’e poan ti la gaŋɛ yuun 500 n tole.”—BBC News, August 23, 2022.

Gɔnmi’ileba zo’e zo’e yeti warɛ ana taaba wan malum pa’asa ge me gaŋɛ nu’usi. La wan ta ana soŋa beere sa’am? Baabule la yeti bem?

Baabule la n tɔɣɛ warɛ yele se’em

Baabule la yeti tomam zina beere wa:

“Dipɔ’ɔsegɔ . . . wan bɔna zɛ’ɛsi to’ore to’ore.”—Luke 21:11.

Warɛ ni basɛ ti dipɔ’ɔsegɔ n bɔna. Dipɔ’ɔsegɔ wa basɛ ti nɛreba namesa mɛ ge me kiira. Bala pa’alɛ ti Baabule yetɔɣebiŋ’a n tuni tuuma.—Liligere 6:6, 8.

Sɛla n sɔi ti warɛ kɔ’ɔn gana nu’usi

Baabule la pa’alɛ sɛla wana mɔpi n basɛ ti warɛ kɔ’ɔn gana nu’usi. La yeti:

‘Nɛresaala kan ta’an mina eŋa n wan kena se’em.’—Yeremia 10:23.

Bala pa’alɛ ti nɛresaaleba kan ta’an ‘mina bamam n wan kena se’em’ bii bisa bamea soŋa. Ban ni ka kɔ’ɛ ba puti’irɛ soŋa la ni basɛ ti warɛ la konɔŋɔ bɔna mɛ.

Naaŋɔ lɔɣɔrɔ zamesegɔdoma sakɛ ti tuunse’a ti nɛreba tuna la basɛ ti tingole wa tuulegera mɛ. Bala me n basɛ ti warɛ bɔna tisi zo’e zo’e poan.
Punya’anɛ la nɛreba n tuni tuunse’a ge ka ti’isa beere sa’am yele la, basɛ ti ba sa’ana tingɔŋɔ la mɛ. Bala me basɛ ti ko’om kɛ̃ɛsa mɛ.

Ge Baabule la basɛ ti to tara la beere sa’am puti’irɛ.

La wan ta’an ana soŋa beere sa’am?

Naayinɛ pu’ulumbiŋe Baabule la poan ti konɔŋɔ kan le bɔna. Wani wani?

1. Naayinɛ wan ‘sa’am sɛba n sa’ani tinparɛ la.’ (Liligere 11:18) A wan yese punya’andoma n basɛ ti konɔŋɔ bɔna la.—2 Timoti 3:1, 2.
2. ‘Daɣelega zɛ’an wan lebege kolaa.’ (Isaiah 35:1, 6, 7) Naayinɛ wan maalɛ warɛ n ta’asɛ yelese’a la ge basɛ ti tingole wa dɛna paradiisi.
3. ‘Hon kaari tinparɛ wa bisa ge bɔ’ɔra ka ko’om. Hon bo’ori ka lɔɣɔrɔ.’ (Yooma 65:9) Naayinɛ wan kã basɛ tiŋa la zuo, ti dinɔ’ɔma la kosomɔ buge zɛ’an woo.