Nadoma Saŋa La Ta Paɛ Se’em Ma’a Ti Ba Malum Mɛ Yerusalem

Bɔberɛ wa poan, to wan zamesɛ yelese’a n eŋɛ paɛ wuu yuun kɔbesiyoobe. Yia la, to wan sɔsɛ Yonatan n de Naba Saul dayua la yele ge nyaa sɔsɛ David yele. David n de Israel yia naba n yuun kɔ’ɔn tara yelemɛŋɛrɛ bɔ’ɔra Naayinɛ. Bala pooren, to wan sɔsɛ yelese’a n eŋɛ, se’em ma’a ti Naayinɛ nɛreba yuun ze’ele yamenɛ poan Babilon tiŋa ge lebe ta malum mɛ Yerusalem. Ton wan zamesɛ yelese’a Abigail, Natan, Eliya, Daniel, Ester, Nehemia, la nɛreba basɛba me zɛ’an la wan kpemese to giila. La yuun nari ti nɛreba wa tara sukpe’ene. Makerɛ, basɛba yuun biseri la Naayinɛ nɛreba tuba n kpirɛ. Basɛba yuun nari ti ba kelum tara yelemɛŋɛrɛ hali la ba nadoma n yuun ka tari yelemɛŋɛrɛ la. Basɛba me yuun nari ti ba kaɣɛ Naayinɛ nɛreba n basɛ A pu’usegɔ.