29 ELIYA
‘Yehowa N De Mam Naayinɛ’
ZƐSƐKA ti Baabule la pɔsɛ tɔɣɛ Eliya yele dela se’em ma’a ti a yuun mɔɔlɛ yelekãtɛ bo Naba Ahab la. Susa’aŋɔ yele la dela, nadoma bayoobe sɛba n deŋɛ nɛŋa bisɛ Israel buuri pia la yuun tuni la be’em. Ahab dela Israel nasɛka n taɣelɛ buyopɔi ge me tum be’em gana nadoma bana la za’a. Ahab yuun di la pɔka n tari putoo n de naba bia ti a yu’urɛ dɛna Yezebel. Yezebel yuun ze’ele la Sidon tiŋa. Ahab yuun kaaberi la baɣa ge a pɔɣa Yezebel yuun kaaberi baɣa gana en mɛ. Yezebel yuun kaaberi la pumpɔreŋɔ yinɛ n de Baal. Hali a ta’an ni dekɛ kɔma kaabɛ bo Baal. A yuun pã’asɛ a sira, la Israeldoma la mɛ ti ba laɣum kaabera Baal. Hali la bala za’a, Eliya yuun keŋɛ la Ahab zɛ’an daarɛ deyima. Yehowa yuun tum en ti a keŋɛ ta zɛregɛ naba wa ge yele en Eŋa Yehowa n maasum ti a eŋɛ sɛla.
Eliya yuun nari ti a keŋɛ la sore woko n ze’ele Gilead ta paɛ Samaria ti a ta tɔɣɛ yele wa bo Ahab. Wana wa yuun daɣɛ naana se’ere n sɔi la sore la yuun dela kuga ma’a. Eliya n yuun paɛ Samaria la, a yuun keŋɛ la Ahab zɛ’an nayire la poan. Daanse’ere nayire la n som se’em la zuo ti Baabule la yeti ba “dekɛ [la] wɔbegɔ nyɛna golɛ de.” (1 Na. 22:39) Ti’isɛ bisɛ Eliya n yɛ fuo ti ba dekɛ duŋa kɔberɔ maalɛ ge dekɛ siganɛ lu sia n keni paara nayire la n som la ti a ta yele naba la yeti a yinɛ la n de Baal la ka tari paŋa la fii me! Eliya n yuun tɔɣeri yele wa bɔ’ɔra naba la, Yezebel yuun san boi ni bim, ti’isɛ bisɛ a sunsɔa n wan nyie se’em. Yezebel la Ahab yuun ti’isɛ ti Baal tari paŋa n wan ta’an basɛ ti saa ni ge Eliya yuun dekɛ la sukpe’ene yele ba yeti ba yinɛ la ka tari paŋa n wan ta’an soŋɛ ba. Yehowa yuun yele ba yeti saa kan ni tiŋa la poan yuuma zo’e zo’e ta paɛ se’em ma’a ti Yehowa yameŋa Eliya wan bo nɔɔrɛ!
Bem n yuun soŋɛ Eliya ti a dekɛ sukpe’ene tɔɣɛ yele wa? Eliya n yuun tɔɣɛ se’em la basɛ ti to baŋɛ ti Yehowa n yuun soŋɛ en. Daalɛ basɛ Eliya n yuun pɔsɛ a mɔɔlegɔ la se’em. A yuun yeti: “N pɔ la Pɛɛntɛɛnreba Na’ayenɛ te mam tona bɔ’ɔra en wa.” Hebru yelesum la ti ba lerege yeti, “te mam tona bɔ’ɔra” la vuurɛ dela “se’em ti n ze’a a nɛŋan.” Ahab yuun dela naba n kpe’em ge ti Eliya yuun ze’a a nɛŋan tɔɣera bɔ’ɔra en. Ge Eliya yuun mi ti sɛla n de ninmu’urɛ dela, a ze la Yehowa nɛŋan tɔɣera bɔ’ɔra nɛreba. Ahab la Yezebel yuun ta’an ti’isɛ ti bamam tari la paŋa ge ti nɛreba me zɔta ba ge Eliya san dekɛ ba makɛ la Yehowa, ba ka seke sɛsɛla. Bisɛ bala n yuun ta’an bo Eliya sukpe’ene se’em!
Eliya yuun dekɛ la sukpe’ene tɔɣɛ bo naba, la a pɔɣa n tari putoo, la nɛreba n iti kpenkpasi. A yuun dekɛ la amea delum Yehowa se’em ma’a ti dabeem yuun tara en la
Eliya yuun kɔ’ɔn pu’usa Yehowa mɛ la sukpe’ene. A yuun eŋɛ pa’alɛ ti a tari sukpe’ene la eŋa n yuun nani Yehowa ge suɣɛ amea bũ’ɔ la poan, se’em ma’a ti saa yuun ka niira la. A yuun nyuuri la kolaa ko’om ge ti gũurɔ tara dia kena bɔ’ɔra en. A yuun eŋɛ pa’alɛ ti a tari la sukpe’ene, se’em ma’a ti Yehowa yuun yele en ti a keŋɛ ta soŋɛ pokɔɔrɛ n tari sakerɛ Naayinɛ poan la. Eliya yuun nari ti a tara la sukpe’ene se’ere n sɔi la pokɔɔrɛ la yuun kɛ̃’ɛri la Sidon tiŋa n de zɛsɛka ti Yezebel sɔ n yuun tari putoo la bisera la. Karmel Zoore la zuo la, Eliya yuun le eŋɛ pa’alɛ ti a tari la sukpe’ene. Bilam ti a yuun basɛ ti Baal nɔdɛ’ɛseba 450 baŋɛ ti Yehowa ma’a n de yelemɛŋɛrɛ Naayinɛ. Eliya yu’urɛ la vuurɛ dela “Yehowa N De Mam Naayinɛ.” Bala la, a vom dabesa za’a poan, a yuun eŋɛ pa’alɛ ti a tari la sakerɛ bɔ’ɔra a Naayinɛ n de Yehowa la.
Eliya yuun dela “asaala wo tomam” la. (Yam. 5:17) Saŋa ase’a, dabeem yuun ni tara en mɛ. Hali la Yehowa n yuun tum yelekiresi Karmel Zoore la zuo la, Ahab yuun kelum ka tee. Yezebel yuun nyaa boti la a ku Eliya. Bala la, dabeem n yuun saaɛ Eliya ti a zɔ ta suɣɛ. Eliya suure n yuun ba’ɛ sa’am ti a yele Yehowa ti eŋa boti la a ki. A yuun bisɛ ti eŋa ka tari vuurɛ ge me ka nyana a sɔyaabedoma sɛba n puɣum ki la. La bala za’a la, Yehowa yuun ma’ɛ la amea kelese en. Pooren, Eliya yuun yele Yehowa la sugumnɔɔrɛ buyi ti eŋa ma’a n gee, ti dabeem me tara en. A yuun le yele Yehowa ti eŋa tunkpe’eŋo la za’a basɛ la yoo. Yehowa yuun basɛ ti nɔdɛ’ɛsa wa baŋɛ ti a ka boi a ma’a ge me yuun basɛ ti a baŋɛ ti a tari tuulum bɔ’ɔra en mɛ. Hali Yehowa yuun yele Eliya ti a wan basɛ ti buraa ayima yu’urɛ n de Elisa soŋera en. A yuun le yele Eliya ti a kumesɛ Elisa ti a me dɛna nɔdɛ’ɛsa.
Bala pooren la, Eliya yuun keŋɛ ta ɛ la Elisa. Bamam bayi la yuun laɣum pu’usa Yehowa mɛ ge me mɔɔla a yɛla biɣi biɣi saŋa poan. Elisa yuun soŋeri Eliya mɛ ge me tɔɣesa en. Yehowa n yuun soŋɛ Eliya ti a tara sukpe’ene. Eliya me yuun kɔ’ɔn tara la sukpe’ene a vom dabesa za’a.
Kaalɛ Baabule zɛ’ɛsi wa:
Sɔsɛ ya sokere wa:
Eliya yuun eŋɛ la wani pa’alɛ ti a tari sukpe’ene?
Viisɛ Pa’asɛ
1. Beni n sɔi ti Yehowa yuun basɛ ti gũurɔ tara dia kena bɔ’ɔra Eliya? (it-E “Raven” ¶5) Bisɛ foote A
Lior Kislev
Foote A
2. Bem yelekiresi ti Eliya yuun tum? (it-E “Elijah” No. 1 ¶11)
3. Karmel Zoore la zuo la, Eliya yuun yele buraasi basɛba ti ba ãkɛ ko’om eŋɛ boko kãtɛ poan. Warɛ n yuun boi sankaŋa. Bala la, ba yuun nyɛ ko’om la bɛ? (ba-E 17 ¶3) Bisɛ foote B
Todd Bolen/BiblePlaces.com
Foote B: Karmel Zoore, la Mediterranean Ateko la n ani se’em n wana
4. Eliya n yuun yɛɛri fuseko la ze’ele bo la bem ge beni n sɔi ti a yuun dekɛ fuo la lobe paɣelɛ Elisa bɔɣerɔ? (w14-E 2/1 12 ¶3)
Ti’isɛ Hon Wan Dekɛ Tum Tuuma Se’em
Yehowa yuun soŋɛ Eliya la wani? Tomam me wan ta’an tɔɣesa Yehowa la wani ge me basɛ ti la dɛna naana bɔ’ɔra to mabiisi ti ba sɔsɛ bo to, se’em ma’a ti ba giila kɔ’ɔsɛ? (1 Na. 19:1-18) Bisɛ foote D
Foote D
Eliya puurɛ yuun pee mɛ ti a soŋɛ Elisa ti a ta’an tum tunsɛka ti eŋa tuna la. To wan tɔɣesa Eliya la wani to san kumesa nɛreba bii to san bɔ’ɔra ba tuuma?
Ho wan eŋɛ la wani ta’an tɔɣesa Eliya sukpe’ene la?
Ti’isɛ Taɣesɛ Yehowa Yele
Eliya yele wa pa’alɛ mam ti Yehowa ani la wani?
Eliya yele wa makɛ la Yehowa puti’irɛ la wani?
Yehowa san ta isige Eliya kum poan, mam wan soke en la bem?
Zamesɛ Yɛla Pa’asɛ
Bisɛ vidiyo wa n pa’alɛ Yehowa n yuun kpemese Eliya giila se’em ti a ta’an tum a tuuma la.
Karmel Zoore la zuo, Eliya yuun dekɛ la sukpe’ene tum tuuma. Bunbilipaalesi wan ta’an tɔɣesa Eliya la wani?
“Defend True Worship!” (“Bible Study Activities” n boi jw.org)