Ñandepyʼaguasúkena ha ñandefiél Benaya ojapo haguéicha

Benaya haʼe vaʼekue peteĩ gerréro ipyʼaguasúva oservíva rréi David ha upéi rréi Salomónpe g̃uarã. Benaya túa haʼe vaʼekue peteĩ saserdóte, ha haʼekuéra umi levítaicha avei normálmente ndohói vaʼekue gerrahápe ni ndoipurúi árma. Péro Benaya oñorairõ vaʼekue Jehová rehehápe. Haʼe ipyʼaguasu vaʼekue voi. Por ehémplo, peteĩ vuéltape oike vaʼekue peteĩ alhívepe ha ojuka peteĩ león. Ótrope katu oñorairõ ha ojuka peteĩ soldádo tuichaitereívape. David okonfiaiterei vaʼekue hese ha upévare omoĩ ikárgope umi guárdia oñatendévape hese (2 Sam. 23:​20-23).

Absalón ha Adonías opuʼãrõ guare rréi David kóntrape, Benaya osegi vaʼekue ifiél Davídpe (2 Sam. 8:18; 15:18; 1 Rey. 1:8). David ituja riréma, Benaya osegi vaʼekue oapoja chupe upévare oipytyvõ kuri oñenombra hag̃ua rréi Salomónpe (1 Rey. 1:​32-40). Benaya ifiél vaʼekue Jehovápe ha siémpre oapoja umi rréi Jehová oelehi vaʼekuépe, umi ótro ndojapóiramo jepe upéicha.

Ñande avei tekotevẽ ñandepyʼaguasu ikatu hag̃uáicha ñañemoĩ Satanás ha umi oapojávape chupe kóntrape. Tekotevẽ avei jajedesidi jasegitaha jajapo entéro mbaʼe Jehovápe ogustáva (Efes. 6:11; 1 Ped. 5:​8, 9). Oĩramo jepe ohejáva Jehovápe, ñande ndajajapomoʼãi upéva, síno jasegíta ñandefiél ha Jehová katuete ñanevendesíta (2 Sam. 22:26).