PORANDU 16
¿Mbaʼépa ikatu rejapo ani hag̃ua reñekevrantaiterei?
“Emoĩ Jehová pópe umi mbaʼe ndepyʼapýva, ha haʼe katuete nepytyvõta. Ni mbaʼevéicharõ ndohejamoʼãi pe iñeʼẽrendúva hoʼa”.
“Umi oplanea porãva la ojapótava, katuete osẽ porã chupekuéra la ojaposéva, péro pe ojapo rei reínteva oimeraẽ mbaʼe, katuete imboriahúta”.
“Ani rekyhyje pórke che aĩ nde ykére. Che ningo nde Jára, upévare ani rejepyʼapy. Che romombaretéta ha roipytyvõta. Che po deréchape añakaramáta nderehe ha rogueraháta tape porãre”.
“¿Máva piko pende apytépe ikatúta oiko pukumie ojepyʼapy haguére?”.
“Upévare, ani peñekevrantaiterei la ikatúvare oiko koʼẽrõ, pórke koʼẽrõ oĩta voi hína ótra kósa pejepyʼapy hag̃ua. Ovaléma voi umi provléma káda día oñembohovái vaʼerã”.
“Pehechakuaa mbaʼépa hína umi mbaʼe iñimportantevéva”.
“Ani pejepyʼapyeterei mbaʼevére, síno oimeraẽ situasiónpe pejerure Ñandejárape penepytyvõ hag̃ua, peñemboʼe ha pejerure asývo chupe, ha peagradese avei chupe. Ha Ñandejára pyʼaguapy tuichavéva entéro mbaʼe yvyporakuéra ikatúvagui ontende, oñangarekóta pene korasõre ha umi mbaʼe pepensávare Cristo Jesús rupive”.