SEGUNDA KÁRTA DE PEDRO

1 Che hína Simón Pedro. Che hína Jesucristo apóstol ha isiérvo. Askrivi hína ko kárta peẽme, enterove perresivi vaʼekuépe umi enseñánsa añeteguáva ha ndaijojaháiva, umi ore rorresivi vaʼekue avei.* Enterove ñande jarresivi koʼã mbaʼe pórke Ñandejára ha Jesucristo ñande Salvadór ihústo.

2 Aipotaite Ñandejára mbaʼeporã* ha ipyʼaguapy taheta hetave peẽme g̃uarã, peikuaa+ porã rupi Ñandejárape ha ñande Ruvicha Jesúspe. 3 Pórke Ñandejára podér omeʼẽ* ñandéve entéro mbaʼe ñaikotevẽva ikatu hag̃uáicha jaikove jaadora hag̃ua chupe ñande pyʼaite guive. Koʼã mbaʼe ñande jarresivi jaikuaa+ porã rupi Ñandejárape. Haʼe ñanerenói vaʼekue pórke haʼe hína Ñandejára tuichaiterei ha imbaʼeporãva. 4 Koʼã mbaʼe rupive, haʼe omeʼẽ* ñandéve umi promésa tuichaitéva ha iporãitéva.+ Péicha koʼã mbaʼe rupive, oikóta pendehegui peteĩ espíritu+ Ñandejáraicha, pejei rire umi mbaʼe kyʼa oĩvagui ko múndope, koʼã mbaʼe ningo oprodusi umi deséo vai.*

5 Upévare, peñehaʼãmbaitéke+ pejerovia ha pejapo umi mbaʼe iporãva.+ Peñehaʼãmbaite avei peikuaa+ hag̃ua heta mbaʼe, 6 avei peñehaʼãmbaite pejejokokuaa,+ peaguanta ha peadora Ñandejárape pende pyʼaite guive,+ 7 avei peñehaʼãmbaite pehayhu pene ermanokuérape ha pehayhu enterovépe.+ 8 Pórke peẽ pejapo meméramo entéro koʼã mbaʼe porã, ndoikomoʼãi pendehegui peteĩ hekoreíva ha ndapejoguamoʼãi peteĩ yvyramáta ndahiʼáivape,*+ síno peipurúta umi mbaʼe peikuaa porãva ñande Ruvicha Jesucrístogui.

9 Pórke oimeraẽ ndoguerekóiva koʼã mbaʼe, isiégo hína ndohechaséigui pe lus,*+ ha hesaráima Ñandejára omopotĩ hague chupe ipekadokuéra yma guarégui.+ 10 Ermanokuéra, peñehaʼãmbaitékena pendefiél, ikatu hag̃uáicha pesegi peime umi persóna Ñandejára ohenói+ ha oiporavo vaʼekue apytépe. Pórke pesegíramo pejapo koʼã mbaʼe, ni mbaʼevéicharõ ndapehejamoʼãi pe jerovia.+ 11 Añetehápe, upéicha peẽ tuichaiterei peñevendesíta ha peikéta ñande Ruvicha ha Salvadór Jesucristo+ Rréino etérnope.+

12 Upévare che siémpre aiméta pomomanduʼa hag̃ua koʼã mbaʼe askrivi vaʼekuére peẽme, jepe peẽ peikuaa porãma umíva ha peime hatã pe añetegua peaprende vaʼekuépe. 13 Péro chéve g̃uarã iporã pomomanduʼa+ koʼã mbaʼe aime aja ko che retépe.*+ 14 Che aikuaa porã sapyʼamíntema arekotaha ko che rete,* upéicha voi ñande Ruvicha Jesucristo oikuaauka porã vaʼekue chéve.+ 15 Upévare siémpre añehaʼãmbaitéta ajapo ikatumíva entéro koʼág̃a, ikatu hag̃uáicha ág̃a aha rire, peẽ pendejeheguieténtema penemanduʼa koʼã mbaʼére.*

16 Ore roikuaaukárõ guare peẽme ñande Ruvicha Jesucristo podér ha haʼe oĩtaha,* ndoroipurúi kuénto rei omombeʼúva umi kuimbaʼe japu, ore voi rohechágui mbaʼeichaitépa haʼe tuicha.+ 17 Pórke Ñandejára haʼéva pe Túa omombaʼe ha ombotuicha vaʼekue chupe. Upéva oiko Ñandejára tuichaitéva heʼírõ guare chupe koʼã mbaʼe: “Kóva hína che raʼy ahayhuetéva ha aguerohorýva”.+ 18 Añetehápe ore rohendu vaʼekue koʼã ñeʼẽ oúva yvágagui, roimérõ guare hendive pe montáña sagrádape.

19 Upéicha rupi jajerovia umi profesía oñekumplitaha. Ha peẽ pejapo porã pejesarekóramo umi profesíare, ojoguáva peteĩ lámpara+ ohesapévape iñypytũháme, upéva hína pene korasõme, koʼẽju meve ha pe luséro+ opuʼã meve. 20 Pórke peẽ peikuaa ko mbaʼe iñimportantetéva: ni peteĩ profesía oĩva Ñandejára Ñeʼẽme ndouiha yvyporakuéra opensávagui. 21 Pórke umi profesía arakaʼeve noñemombeʼúi kuimbaʼekuéra oipotágui,+ síno pe espíritu sánto ogia* umi kuimbaʼépe omombeʼu hag̃ua umi mbaʼe oúva Ñandejáragui.+

2 Upéicharamo jepe, yma oĩ haguéicha proféta japu Ñandejára puévlo apytépe, oĩta avei mboʼehára japu pende apytépe.+ Koʼãva ñemihaitépe omoñepyrũta umi sékta oporohundíva, ha hiʼarive orrechasáta hikuái pe ijára ojogua vaʼekuépe chupekuéra.+ Ha ojapo haguére upéicha, pyaʼeterei oñehundíta chupekuéra. 2 Avei oĩta heta haʼekuéraicha notĩriva hembiapo vai hag̃ua,*+ ha ikausarekuéra oñeñeʼẽ vaíta+ Ñandejára rapére. 3 Avei haʼekuéra ijapúta peẽme oipota tarovaitégui umi mbaʼe chupekuéra okonvenívante.* Péro pe kastígo chupekuéra g̃uarã ymaitereíma ojedesidi hague,+ ha upéva naimbeguéi hína, ha katuete oñehundíta chupekuéra.+

4 Añetehápe Ñandejára noponderái vaʼekue okastiga hag̃ua umi ánhel opeka vaʼekuépe,+ ha opoi chupekuéra pe Tártarope,*+ ha oenkadena chupekuéra* iñypytũetereihápe opyta hag̃ua upépe ojehusga peve chupekuéra.+ 5 Haʼe noponderái vaʼekue avei okastiga hag̃ua pe múndo yma guarépe,+ péro osalva Noépe, haʼe ningo opredika vaʼekue umi mbaʼe ihústova.+ Ha osalva avei Noé ndive 7 persónape+ oguerúrõ guare pe dilúvio ko múndo henyhẽvape hénte añágui.+ 6 Ñandejára okastiga avei ohapypaitévo umi siuda de Sodoma ha Gomorra, ha ikusugue opyta,+ ha péicha ohechauka mbaʼépa ohaʼarõ umi hénte añáme.+ 7 Haʼe osalva Lótpe, peteĩ kuimbaʼe ihústova,+ haʼe ningo oñekevrantaiterei vaʼekue umi hénte aña notĩri haguére hembiapo vai hag̃ua* 8 (pórke ko kuimbaʼe ihústova ohecha ha ohendu umi mbaʼe vai ojapóva umi hénte aña oiko aja ijapytepekuéra, ha upéva okevrantaiterei chupe* káda día). 9 Upéicharõ, Jehová* oikuaa mbaʼéichapa osalváta jejopy vaígui umi hénte oadorávape chupe ipyʼaite guive,+ péro ohejáta ohundi* hag̃ua umi hénte iñinhústovape pe huísio árape.+ 10 Koʼýte ojapóta upéva umi oikóvare orekose rrelasión sexuál ótrondi omongyʼa hag̃ua chupekuéra,+ ha umi oapoʼívare umi autoridápe.*+

Umíva ningo hovaʼatã ha ikaprichóso, haʼekuéra ndokyhyjéi oñeʼẽ vai hag̃ua umi Ñandejára omombaʼévare. 11 Umi ánhel katu imbareteve ha ipoderosovéramo jepe, noñeʼẽvaíri hesekuéra orrespeta rupi Jehovápe.*+ 12 Péro koʼã kuimbaʼe ojogua umi animál onase vaʼekuépe ojejagarra ha oñehundi hag̃uánte, haʼekuéra oiko oñeʼẽ vai umi mbaʼe oikuaaʼỹvare.+ Ñandejára ohundíta chupekuéra umi mbaʼe vai ojapo vaʼekuére, 13 péicha ojeperhudika hikuái ijupe voi ojekastiga rupi hembiapo vaikuére.

Haʼekuéra ningo ovyʼaiterei oñemeʼẽgui de diakuépe jepe umi deséo vai orekóvape.+ Haʼekuéra ojogua umi máncha omongyʼávape pe kongregasión, haʼekuéra ovyʼaiterei ombotavy jave ótrope omboʼévo umi enseñánsa japu oĩ aja penendive vyʼápe.+ 14 Haʼekuéra ningo oporomoakãratĩseterei,*+ ha ndaikatúi voi oheja ipekadokuéra, ha ombotavy umi ijerovia kangývape.* Ikorasõnguéra henyhẽ taryrýigui,* ha Ñandejára okastigáta chupekuéra. 15 Haʼekuéra oheja pe tape porã ha oho tape vaíre, oho hikuái Balaam+ rapére, haʼe hína Beor raʼy. Haʼe ojapo vaʼekue ivaíva, pórke oipotaiterei ojepaga chupe.+ 16 Péro Balaámpe ojekorrehi hembiapo vaikuére.+ Peteĩ vúrro oñeʼẽʼỹva oñeʼẽ vaʼekue chupe yvypóraicha, ha oñehaʼã ojoko pe proféta tavyraípe.+

17 Koʼãva ningo ojogua ykua hypa vaʼekuépe, arai ojeguerahávape ápe ha pépe oĩ jave torménta vai, ha ojeheja chupekuéra g̃uarã peteĩ lugár hũ vera ha iñypytũetereíva.+ 18 Haʼekuéra ningo heʼi umi mbaʼe tuichaitereíva guaʼu, péro ndovaléiva mbaʼeverã. Ha notĩri hikuái hembiapo vai hag̃ua* ha omomýi umi héntepe oreko jey hag̃ua umi deséo vai,+ ha omboliga chupekuéra ojapo hag̃ua umi mbaʼe vai, ramoiténte oheja vaʼekue.+ 19 Koʼã mboʼehára japu opromete chupekuéra liverta, péro haʼekuéra voi oiko hína pekádo esklávoramo.+ Pórke oĩramo ohejáva odomina chupe ótra persóna, oiko chugui upe persóna esklávo.*+ 20 Péro umi persóna ojapo jeýramo umi mbaʼe vai ha odomina chupekuéra umíva,+ ivaivéta la isituasión yma oikuaa mboyve guarégui umi enseñánsa añeteguáva.+ 21 Pórke iporãvéta kuri chupekuéra ndoikuaaporãinterire pe tape porã, ha ani la oikuaa rire ohejaite hikuái Ñandejára léi orresivi vaʼekue.+ 22 Upe oikóva hesekuéra ohechauka siertoha upe ñeʼẽnga heʼíva: “Pe jagua hoʼu jey ivomitokue, ha pe kure ojahupa vaʼekue ojapajeréi jey tujúpe”.+

3 Che ermanokuéra pohayhuetéva, kóva hína pe segunda kárta askrivíva peẽme, ha ajapóma haguéicha pe primera kártape, che pomomanduʼa pesegi hag̃ua pepensa porã,+ 2 ha penemanduʼa hag̃ua umi mbaʼe heʼi vaʼekuére anteve* umi proféta ojeporavo vaʼekue,* ha pe mandamiénto ñande Ruvicha ha Salvadór omeʼẽ vaʼekuére umi apostolkuéra* rupive. 3 Peẽ peikuaa vaʼerã ko mbaʼe: umi ára pahápe oúta umi hénte oñembohorýva umi mbaʼe porãre, ha ojapóta hikuái umi mbaʼe vai chupekuéra ogustávante.+ 4 Ha heʼíta hikuái: “Haʼe ningo opromete vaʼekue outaha, péro ¿moõ piko oĩ* upéicharõ?+ Ñande tuakuéra ypykue ningo oikove ha omanomba jeýma, péro ko múndo ojejapo ypy guive mbaʼevete nokambiái”.+

5 Haʼekuéra ningo naimanduʼaséinte umi yvága oĩ hague ymaite guive, ha Ñandejára ñeʼẽ rupive ko yvy ojesepara hague pe ýgui, ha opyta pe y mbytépe.+ 6 Koʼã mbaʼe ohundi vaʼekue umi hénte upe tiémpope guarépe. Péva oiko pe y ojagarrapárõ guare ko yvy tuichakue.+ 7 Péro Ñandejára ñeʼẽ rupive, umi yvága ha pe yvy oĩva koʼág̃a oñeñongatu hína oñehundi hag̃ua tatápe, pe ojehusgataha díape umi hénte añáme ha oñehundietetahápe chupekuéra.+

8 Upéicharõ jepe, che ermanokuéra pohayhuetéva, aníkena penderesarái ko mbaʼégui: Jehovápe* g̃uarã ningo un día haʼete 1.000 áño, ha 1.000 áño haʼete un día.+ 9 Jehová* ndotardái hína okumpli hag̃ua ipromésa+ umi hénte opensaháicha. Haʼe ipasiénsia penderehe, pórke ndoipotái avave oñehundi, síno oipota enterove oñarrepenti.+ 10 Péro, Jehová* ára+ oúta peteĩ mondaháicha,+ ha umi yvága pyaʼe ohasáta+ peteĩ arasunúicha,* umi mbaʼe oĩva yvága ha yvýpe katu hakuetereígui hykupaitéta. Pe yvy ha umi mbaʼe oĩva pype ojehapypáta.*+

11 Entéro koʼã mbaʼe péicha hykupáta rupi, peñatende vaʼerã mbaʼeichagua persónapa hína peẽ: peẽ penekondúkta potĩ vaʼerã ha peadora vaʼerã Ñandejárape pende pyʼaite guive. 12 Avei, siémprekena pehaʼarõ ha penemanduʼa meme* Jehová* árare,+ upéva rupive umi yvága oñehundíta+ tatarendýpe, ha umi mbaʼe oĩva yvága ha yvýpe hakuetereígui hykupaitéta. 13 Péro haʼe opromete haguéicha, ñande ñahaʼarõ hína umi yvága pyahu ha peteĩ yvy pyahu,+ ha umívape siémpre oĩta hustísia.+

14 Upéicharõ che ermanokuéra pohayhuetéva, pehaʼarõ rupi koʼã mbaʼe, peñehaʼãmbaitékena penepotĩ Ñandejára renondépe, ani oĩ pende pype mbaʼeve ivaíva, ha peiko porã hendive.+ 15 Pehechakuaáke avei ñande Ruvicha ipasiénsia rupi perekoha oportunida pejesalva hag̃ua, oskrivíma haguéicha peẽme ñane ermáno Pablo jahayhuetéva, Ñandejára omoarandu rupi chupe.+ 16 Añetehápe, haʼe oskrivíma vaʼekue voi koʼã mbaʼére entéro umi ikártape. Péro umívape oĩ jepi umi mbaʼe hasýva ñantende hag̃ua, ha umi kuimbaʼe tavy* ha ijerovia kangýva* oipuru vai umíva ojapoháicha avei umi ótra párte oĩvare Ñandejára Ñeʼẽme, ha upévare oñehundíta hikuái.

17 Peẽ katu che ermanokuéra pohayhuetéva, peikuaáma rupi koʼã mbaʼe de antemáno, peñatende porãke ani hag̃ua pejegueraha hendivekuéra tape vaíre umi enseñánsa japu rupive omboʼéva umi kuimbaʼe japu, ha upevakuére ndaikatuvéi pejepytaso pende jeroviápe.+ 18 Upéva rangue, pesegíkena perresivi heta hetave ñande Ruvicha ha Salvadór Jesucristo mbaʼeporãite* ha peikuaa porãve chupe. Toñembotuicha chupe koʼág̃a ha pára siémpre. Amén.*