રજૂઆતની એક રીત

સવાલ: વિજ્ઞાન અને ટૅક્નોલૉજીમાં પ્રગતિ થવાથી આપણને ઘણો ફાયદો થયો છે. પણ, માણસોએ એનો ઉપયોગ પોતાના સ્વાર્થ ખાતર કર્યો છે. એનાથી પ્રદુષણ અને હિંસા ફેલાયાં છે તેમજ લોકોમાં ભાગલા પડ્યા છે. એનો હલ કઈ રીતે લાવવો, એ વિશે શું તમે કદી વિચાર્યું છે?

શાસ્ત્રવચન: ગી ૭૨:૧૩, ૧૪

આમ કહો: આ પત્રિકા બતાવે છે કે, દુનિયા પર કોણ રાજ કરે છે અને સ્વાર્થી સત્તાધીશોને લીધે થયેલા નુકસાનને કઈ રીતે આપણા સર્જનહાર દૂર કરશે.

સવાલ: શું આ દુનિયાનો અંત નજીક છે?

શાસ્ત્રવચન: માથ ૨૪:૩, ૭, ૧૪

સત્ય: પવિત્ર શાસ્ત્રમાંની ભવિષ્યવાણીઓ બતાવે છે કે, આપણે અંતના સમયમાં જીવી રહ્યા છીએ. જોકે, આ એક ખુશખબર છે, કારણ કે સુખના દિવસો જલદી જ આવશે.

સવાલ: ઘણા લોકો આવા સવાલો વિશે વિચારે છે: “શું ઈશ્વર મને ભૂલી ગયો છે? બધા એકબીજા સાથે શાંતિથી રહી શકશે? આપણું સુખ શેમાં છે?” શું તમને લાગે છે કે, આવા સવાલોના જવાબ આપણે મેળવી શકીએ?

શાસ્ત્રવચન: યોહ ૧૭:૧૭