બાઇબલમાં આપેલાં ઉદાહરણ કઈ રીતે સમજવાં?

બાઇબલમાં ઘણાં ઉદાહરણ જોવા મળે છે. પણ ઘણા લોકોને એ ઉદાહરણ અથવા સરખામણી સમજવી અઘરી લાગે છે. (માથ. ૧૩:૧૩) બાઇબલમાં આપેલાં ઉદાહરણો સારી રીતે સમજવાં તમે શું કરી શકો? તમે નીચે આપેલાં સૂચનો અજમાવી શકો:

• પારખો કે મુખ્ય વિચાર શું છે અને એને શાની સાથે સરખાવવામાં આવ્યો છે. દાખલા તરીકે, પ્રકટીકરણ ૩:૩માં ઈસુએ જણાવ્યું કે તે એક ચોરની જેમ આવશે. અહીંયા મુખ્ય વિચાર છે કે ઈસુ આવશે અને એ વિચારને ચોરના આવવા સાથે સરખાવવામાં આવ્યો છે.

• વિચારો કે મુખ્ય વિચાર અને ઉદાહરણમાં સરખું શું છે. એ વિચારો કે કોઈ વસ્તુની બીજી વસ્તુ સાથે સરખામણી કેમ કરવામાં આવી છે અને એ બંનેમાં સરખું શું છે.

• ઉદાહરણનો ખરો અર્થ સમજો. અમુક વાર વ્યક્તિ ઉદાહરણનો કોઈ બીજો જ અર્થ સમજી લે. હમણાં જે ઉદાહરણ જોયું, એમાં ઈસુ કંઈ ચોરી કરવા નથી આવી રહ્યા. પણ આજુબાજુની કલમોથી એ ઉદાહરણનો ખરો અર્થ સમજી શકાય છે. એ છે: એક ચોર ક્યારે આવશે એ વિશે તે પહેલેથી જણાવતો નથી. એવી જ રીતે ઈસુ ક્યારે આવશે એ વિશે તેમણે પહેલેથી જણાવ્યું નથી.