બાઇબલનો અરીસા તરીકે ઉપયોગ કરો

શિષ્ય યાકૂબે બાઇબલને અરીસા સાથે સરખાવ્યું, જેની મદદથી જોઈ શકીએ કે આપણે અંદરથી કેવા છીએ. (યાકૂ. ૧:૨૨-૨૫) બાઇબલનો અરીસા તરીકે સારો ઉપયોગ કરવા શું કરી શકીએ?

ધ્યાનથી વાંચો. જો આપણે અરીસામાં ફટાફટ જોઈને જતા રહીશું, તો કદાચ જોઈ નહિ શકીએ કે દેખાવમાં ક્યાં સુધારો કરવાની જરૂર છે. એવી જ રીતે, જો ફટાફટ બાઇબલ વાંચી જઈશું, તો પોતાનામાં ક્યાં સુધારો કરવાની જરૂર છે એ જોઈ નહિ શકીએ. એ જોવા ધ્યાનથી બાઇબલ વાંચવું ખૂબ જરૂરી છે.

બીજાઓ પર ધ્યાન આપવાને બદલે પોતાના પર ધ્યાન આપો. અમુક વાર કદાચ અરીસામાં આપણને પાછળ ઊભેલા લોકોની છબી દેખાય અને આપણે તેઓમાં ભૂલો શોધવા લાગીએ. એવી જ રીતે, બાઇબલ વાંચતી વખતે કદાચ વિચારીએ કે બીજાઓએ ક્યાં સુધારો કરવાની જરૂર છે. પણ પોતે ક્યાં સુધારો કરવાનો છે એ જોઈ નહિ શકીએ.

વાજબી બનો. જો અરીસામાં બસ પોતાની ખામીઓ જ જોયા કરીશું, તો કદાચ નિરાશ થઈ જઈશું. એવી જ રીતે, બાઇબલ વાંચતી વખતે વાજબી બનવું જોઈએ. પોતાની પાસે વધારે પડતી અપેક્ષા રાખવાને બદલે વિચારવું જોઈએ કે યહોવા આપણી પાસેથી શું ચાહે છે.—યાકૂ. ૩:૧૭.