બાઇબલમાં રહેલો ખજાનો | પ્રેરિતોનાં કાર્યો ૯-૧૧

ભારે જુલમ કરનાર ઉત્સાહથી ખુશખબર ફેલાવે છે

શાઊલ જે શીખ્યા, એ તરત જ જીવનમાં લાગુ પાડ્યું. બીજા લોકોમાં એવી હિંમત ન હતી, જ્યારે કે શાઊલ એમ કરતા જરાય અચકાયા નહિ. શા માટે? શાઊલને માણસનો નહિ, પણ ઈશ્વરનો ડર હતો. એટલું જ નહિ, ઈસુએ તેમના પર જે દયા કરી એ માટે તે ખૂબ જ આભારી હતા. તમે જો બાઇબલમાંથી શીખતાં હોવ અને બાપ્તિસ્મા ન લીધું હોય તો? શું તમે શાઊલની જેમ તરત જ યોગ્ય પગલાં ભરશો?

શું તમે જાણો છો?

રોમન સત્તાએ યહુદીઓને તેઓના નિયમ પ્રમાણે ન્યાય કરવાની સત્તા આપી હતી. એ ઉપરાંત, ન્યાયસભા અને પ્રમુખ યાજક નક્કી કરતા કે યહુદીઓ માટે શું સાચું છે અને શું ખોટું છે, પછી ભલે તેઓ ગમે ત્યાં રહેતા હોય. એ કારણથી, તેઓએ શાઊલને સત્તા આપી હતી કે જે યહુદીઓ ખ્રિસ્તી બન્યા હતા તેઓને દૂર દૂરથી પકડી લાવે. એમાં દમસ્ક પણ આવી જતું હતું, જે યરૂશાલેમથી આશરે ૨૨૦ કિલોમીટર દૂર હતું.