ઈસુ બધા માટે મરણ પામ્યા છે

ઈસુએ પાપી મનુષ્યો માટે પોતાના જીવની કુરબાની આપી હતી. (રોમ ૫:૮) ચોક્કસ, તેમના એ પ્રેમની આપણે કદર કરીએ છીએ, એને ક્યારેય ભૂલતા નથી. જોકે, કેટલીક વાર એ ભૂલી જઈએ છીએ કે, ઈસુએ ફક્ત આપણા માટે જ નહિ, પણ બધા માટે કુરબાની આપી છે. આપણાં ભાઈ-બહેનો પણ આપણી જેમ જ ભૂલ-ભરેલાં છે. આપણે તેઓને કઈ રીતે ઈસુ જેવો પ્રેમ બતાવી શકીએ? આ ત્રણ રીતોએ: પહેલી, એવાં ભાઈ-બહેનો સાથે પણ મિત્રતા કરીએ, જેઓ બીજા સમાજ કે સંસ્કૃતિના હોય. (રોમ ૧૫:૭; ૨કો ૬:૧૨, ૧૩) બીજી, એવું કંઈ કહીએ કે કરીએ નહિ, જેનાથી કોઈને માઠું લાગે. (રોમ ૧૪:૧૩-૧૫) ત્રીજી, કોઈ આપણને દુઃખ પહોંચાડે ત્યારે, તેઓને માફ કરવા તૈયાર રહીએ. (લુક ૧૭:૩, ૪; ૨૩:૩૪) જો આપણે આ રીતોએ ઈસુને પગલે ચાલવા સખત મહેનત કરીશું, તો મંડળનાં સંપ અને શાંતિભર્યા માહોલ પર યહોવા આશીર્વાદ વરસાવતા રહેશે.

દિલથી સુંદર બનીએ! વીડિયો જુઓ અને પછી આ સવાલોના જવાબ આપો:

• 

  મીકીને શરૂઆતમાં પોતાના મંડળ વિશે કેવું લાગતું હતું?

• 

  તેના વિચારોમાં કઈ રીતે બદલાણ આવ્યું?

• 

  પોતાના વિચારોમાં સુધારો કરવા મીકીને કઈ રીતે ઈસુના દાખલામાંથી મદદ મળી? (માર્ક ૧૪:૩૮)

• 

  ભાઈ-બહેનોના સારા ગુણો તરફ ધ્યાન આપવા નીતિવચનો ૧૯:૧૧ આપણને કઈ રીતે મદદ કરે છે?