શું તમે નિયમિત ઇન્ફર્મેશન બોર્ડ જુઓ છો?

વડીલો, સેવકાઈ ચાકરો અને બીજાઓ જેમની પાસે મંડળમાં જવાબદારી છે, તેઓ પોતાનો ભાગ ક્યારે છે એ જાણવા નિયમિત ઇન્ફર્મેશન બોર્ડ જુએ છે. જોકે, મંડળના બધા ભાઈ-બહેનો મહત્ત્વની માહિતી ત્યાં જોઈ શકે છે. શું તમે જાણો છો કે રાજ્ય ગૃહ સફાઈનો તમારો વારો ક્યારે છે? શું સરકીટ નિરીક્ષક અથવા શાખા કચેરીએ મંડળને કોઈ મહત્ત્વનો પત્ર મોકલ્યો છે? શું તમને આ અઠવાડિયાના જાહેર પ્રવચનનો વિષય ખબર છે, જેથી તમારા બાઇબલ વિદ્યાર્થીને એનું આમંત્રણ આપી શકો? શું સભાના કાર્યક્રમમાં અથવા તમારા પ્રચાર ગ્રૂપમાં કોઈ ફેરફાર કરવામાં આવ્યો છે? આમાંની મોટા ભાગની માહિતી હવે સભાઓમાં જાહેર કરવામાં નહિ આવે, અને દરેક પ્રકાશકને મળીને એ વિશે જણાવવું વડીલો માટે કદાચ શક્ય નથી. એટલા માટે, આપણે નિયમિત ઇન્ફર્મેશન બોર્ડ જોતા રહેવાની જરૂર છે. જો આપણે નિયમિત રીતે ઇન્ફર્મેશન બોર્ડ જોઈને માહિતગાર હોઈશું, તો બધી બાબતો “શોભતી રીતે તથા વ્યવસ્થાપૂર્વક” થઈ શકશે.—૧ કોરીં. ૧૪:૪૦.