અભ્યાસ અંક

આપણે આભાર માનવાનું વલણ કેળવી અને જાળવી શકીએ છીએ. એમ કરવા માટે આપણે યહોવાએ આપેલા આશીર્વાદો પર મનન કરવું જોઈએ અને એ માટે તેમનો આભાર વ્યક્ત કરવો જોઈએ. પરીક્ષણોનો સફળતાથી સામનો કરવા અને કદર ન બતાવવાના વલણથી દૂર રહેવા, આપણું દિલ યહોવા પ્રત્યે આભારી હોવું જરૂરી છે. આ વર્ષ દરમિયાન ૨૦૧૫નું વાર્ષિક વચન આપણને એ વિશે યાદ અપાવતું રહેશે.

આ લેખમાં જોઈશું કે ઈસુના મરણનો દિવસ શા માટે ઊજવવો જોઈએ. ઉપરાંત, લેખ એ પણ જણાવે છે કે સ્મરણપ્રસંગે ઉપયોગમાં લેવાતાં રોટલી અને દ્રાક્ષદારૂ શાને રજૂ કરે છે. તેમ જ, આપણે જોઈશું કે વ્યક્તિએ એ પ્રસંગે ખાવા-પીવામાં ભાગ લેવો કે નહિ એ કઈ રીતે જાણી શકે. આપણે પ્રભુના સાંજના ભોજન માટે કઈ રીતે મન તૈયાર કરી શકીએ એ વિશે પણ શીખીશું.

પરિણીત યુગલો જીવનમાં વધી રહેલાં તણાવ અને લાલચોનો સામનો કરી રહ્યાં છે. પરંતુ, યહોવાની મદદથી તેઓ પોતાનું લગ્‍નજીવન મજબૂત અને સુખી બનાવી શકે છે. પ્રથમ લેખમાં જોઈશું કે યુગલ પોતાના લગ્‍નબંધનને મજબૂતી આપવા કયાં પાંચ પગલાં લઈ શકે. બીજો લેખ જણાવશે કે એ મજબૂતી ટકાવી રાખવામાં કઈ રીતે ઈશ્વરનું રક્ષણ મદદ કરશે.

એક પુરુષ અને સ્ત્રી વચ્ચે કેવી લાગણીને સાચો પ્રેમ કહી શકાય? શું હંમેશાં ટકનાર પ્રેમ શક્ય છે? એ પ્રેમને કઈ રીતે વ્યક્ત કરવો જોઈએ? સુલેમાને લખેલું ગીતોનું ગીત પુસ્તકમાંથી સાચા પ્રેમ વિશે આપણે શીખીશું.