“માર્ગ આ છે”

૧. આ તો છે શાંતિનો માર્ગ,

એ તને જડ્યો

બતાવ્યું ઈસુએ

એના પર ચાલવાનું

એટલે શીખી લે તું

એ માર્ગે ચાલવાનું

ઈશ્વરની વાણી દોરશે

તને એ માર્ગે

૨. આ તો છે પ્રેમનો માર્ગ,

દોરે યાહને આંગણે

એના પર ચાલીને

પહોંચું યાહને ચરણે

ભગવાન તારો પ્રેમ

મારા અંતરમાં છલકે

એ પ્રેમ પામીને તો

મારું તન-મન મહેકે

૩. આ છે જીવનનો માર્ગ,

એના પર ચાલું હું

યહોવા ઈશ્વરે

આપ્યું છે વચન એક

હંમેશાં રાખશે

મારા માથે તેમનો હાથ

કદી નહિ તેમનો

એ ઉપકાર ભૂલું હું