Estaste preparando para a Conmemoración?

A última Pascua de Xesús ía ser moi especial. Como a súa morte era inminente, fixo plans para celebrala cos seus apóstolos e establecer unha nova celebración anual: a Cea do Señor. Así que lles pediu a Pedro e a Xoán que preparasen o cuarto onde a ían celebrar (Lc 22:7-13; ver a imaxe da portada do caderno de estudo). Isto lémbranos que debemos prepararnos para a Conmemoración que terá lugar o próximo 27 de marzo. Seguramente as congregacións xa fixeron os plans respecto a quen vai ser o orador, os emblemas e moito máis. Pero, como podemos prepararnos cada un de nós para ese día?

Prepara o teu corazón. Le e reflexiona na lectura bíblica para a Conmemoración. Poderás atopar o programa no folleto Examinando las Escrituras diariamente. Ademais, na táboa “A última semana de Xesús na Terra” atoparás un programa máis detallado (ver tamén o artigo do Caderno de Estudo Vida e Actividades de abril de 2020). Para analizar a importancia do rescate na adoración en familia, busca máis información no Índice de las publicaciones Watch Tower ou na Guía de estudio para los testigos de Jehová.

Invita a outros. Participa todo o que poidas na campaña de invitación á Conmemoración. A quen podes invitar? Por exemplo, a revisitas, persoas que estudaron a Biblia no pasado, coñecidos e familiares. Os anciáns deben asegurarse de invitar os irmáns inactivos. E se a persoa non vive preto de ti? Podes atopar o lugar e a hora da Conmemoración que se celebrará na súa zona indo á sección QUEN SOMOS de jw.org e premendo en “Conmemoración”.

Que máis podemos facer para prepararnos?