A NOSA VIDA CRISTIÁ

Tres maneiras de demostrar que confiamos en Xehová

David venceu a Goliat porque confiou en Xehová (1Sa 17:45). Xehová quere mostrar a súa forza a favor de tódolos seus servos (2Cr 16:9). Que podemos facer para demostrar que confiamos en Xehová e non en nós mesmos? Vexamos tres maneiras de facelo.

Oremos a miúdo. Pidámoslle a Xehová que nos dea forzas para enfrontarnos ás tentacións e non nos limitemos a pedirlle perdón despois de cometer un erro (Mt 6:12, 13). Ademais, non lle oremos só para que bendiga as nosas decisións, senón tamén para que nos guíe antes de tomalas (Snt 1:5).
Teñamos unha boa rutina de lectura e estudo da Biblia. Leamos a Biblia tódolos días (Sl 1:2). Cando o fagamos, reflexionemos sobre os exemplos que aparecen nela e poñamos en práctica o que aprendemos (Snt 1:23-25). Ademais, dediquemos tempo a prepararnos para predicar, en vez de confiar na nosa experiencia. E, para sacar o máximo proveito das reunións, estudemos a información con antelación.
Colaboremos coa organización de Xehová. Manteñámonos ó día coas instrucións da organización e obedezamos deseguida (Núm 9:17). Fagámoslles caso ós anciáns cando nos dean consellos e instrucións (Heb 13:17).

Policías levando preso un irmán e periodistas e outros irmáns mirando

DESPOIS DE VER O VÍDEO NON LLE TEÑAMOS MEDO Á PERSECUCIÓN, RESPONDE AS SEGUINTES PREGUNTAS:

• A que medos se enfrontaron os irmáns deste vídeo?

• Que lles axudou a superar os seus medos?