Ge kìn lóó nè Jìhóvà vaá dũunà pá a tọ e bà gé fã́e ní ea dú kà pọ̀b kà béèlàfùl e nen é láá nèe. Jìhóvà gbĩ́ kọ dénè nen á naa vó. Ló éé? À gbĩ́ kọ é ié lé gbaa ló kìlmàe ló vaá tõó dùm dọ̀ dè-dè. (Dìt. 30:​19, 20; Gàl. 6:​7, 8) Náa kal ló béè kọọ̀ Jìhóvà náa ólò tú bá kpóó siimá nen kọ á fãàe. À sọtọ́ deè kọ nen á nè béèlàfùl boo nú ea é náa. Èé kọ́ vàẹ beè nen ea beè dììa múú sí agẹbá pọ́lọ́ ẹ́? Be náa ọ́gá, bà é kpóe lọl mm̀ bõ̀ònatõ̀ò. (1 Kọ́r. 5:13) Náa kal ló béè vó, Jìhóvà ẹbmà dẽe kọọ̀ nen ea beè sí pọ́lọ́ á ọgá vaá fãàe. Kàsĩ́, níà pọ̀bkà bug ea náa vaá a beè nèi nu ààa ẹ́, kọbé à láá ia ló nè gbò e bà sí pọ́lọ́ vaá bà ọgá. Jìhóvà palàge vùlèi, vaá à gé ban gbò e ba beè sí pọ́lọ́ kọ bàá ọgá.​—Zèk. 1:3; Róm̀ 2:4; Jém̀z 4:8. w24.08 14 ¶1-2

Tṍó e neǹ tóm Jṍòn géè emí ní ea égè taa kà a kpá lẹ̀ẹ̀la tóm, sìgà gbò géè noomà kyáá nòòmànù vaá naa kọọ̀ pòòà á bã zẹ̀ẹ̀ pá vígà. Sõò sìgà gbò beè kilsĩ́ gè “kyã̀à nyoone nvéè kà-kà bel.” Ba beè gbàntṍ ló Jìhóvà vaá “kyãa boo lẹ̀ẹ̀là Bàrì.” (2 Jṍòn 4, 6) Gbò nyòòne nvéè Kráìst e bà bọ́ló dẹ̀lẹ̀ nyíé booí beè naa kọọ̀ nyíè Jṍòn nè nyíè Jìhóvà á ẹẹ. (Pró. 27:11) Éé ní eé láá nó lọl ló é? Nyíéi ólò ẹẹ tṍó e bọ́ọ̀ló dẹ̀lẹ̀ nyíé boo nè Jìhóvà. (1 Jṍòn 5:3) Dì belí nu dòòmà bá, ge nyimá kọọ̀ è náà kọ nyíè Jìhóvà á ẹẹ ólò ẹẹlẹ̀i nyíe. Nyíè Jìhóvà ólò palàge ẹẹ tṍó e gbanìe tṍ ló vaá kìn ge naa nú ea dú pọ́lọ́. Nyíè gbò nyómá tóm e bà di káála ólò ẹẹ nagé. (Lúùk 15:10) Nyíè beele ólò ẹẹ nagé tṍó e monì pá vígà e bà bọ́ló dẹ̀lẹ̀ nyíé boo. (2 Tẹ̀s. 1:4) Tṍó e Jìhóvà é kyọsĩ́ bàlà boò Sétàní lọ̀l, nyíéi é palàge ẹẹ kọ e beè bọ́ló dẹ̀lẹ̀ nyíé boo nèe. w24.11 12 ¶17-18

Begè dẽè tṍó ea tõò vàẹ ní ea bọ́ló kọ ó ẹ̀b nen eo gbĩ́ gè ilí àbèè ge iá besĩ́ ò kálá kọ́ nèe kọ à léèmàè ni ẽ́? Be ò valẹ̀bá kọ́ nèe, àé tõó ẽ́ ló belí kọọ̀ nóo agàlà boo nú eo gé kọ́. (Pró. 29:20) Sõò be ò bọọgẹ̀ pee tṍó ló gè síé ló gé kọ́ nèe vaá à nyimá kọ ò íèèe lèèmá m, àé láá tõó ẽ́ ló belí kọọ̀ ò bọọgẹ̀ pee tṍó besĩ́ ò kalá nè béèlàfùl. (Ẹ̀klì. 11:4) Kẽ̀èa boo kọọ̀ náa dú bíi kọ ó zẹ́ẹ́ agala boo kọ òé ílai besĩ́ ò kálá kọ́ nèe kọ à léèmàè ni. Sõò à dú bíi kọ ó agala boo kọọ̀ o kpenà ló gè ilí va, vaá nen eo é gé sí lóá níà nen eo é láá ilí. Sõò èé kọ́ vàẹ be ò nyímá kọọ̀ nen íèè ni lèèmá m ẽ́? Be nená náa léémá ni, naa kọ á nyimá tení dú ló bé eo lábvì láb naa. Àé dú pọ́lọ́ gè naa kọọ̀ nená á bugi togó kọ òé ílai boo tṍó e nóo gbĩ́ gè iá ẹ.​—Ẹ́fẹ. 4:25. w24.05 22-23 ¶9-10