Nòòtẽ́ ea kil ló Sólomòn tẹ́lẹ bàlà kẽ nú ea é láá naaá ló kọ̀láá nen ea gé fã Jìhóvà. Nen é láá sí agẹbá pọ́lọ́ vaá à kọ́ọ̀ nú ea náa vaá à siè pọ́lọ́ dú boo béè kọọ̀ “a beè naaá mm̀ bùló tṍó e náa beè nyimàè.” Sõò, be à bugi togó boo nú ea beè naaá, àé nyimá kọọ̀ a beè neè pọ́lọ́ béèlàfùl vaá vó ní ea náa kọ á sí pọ́lọ́ ẹ́. Àé láá dú kọọ̀ a beè bã̀àà kóò gbò e bà náa vulè Jìhóvà, kolí kyáà boo bá e náa bọ́ló, bã boo website àbèè ge sí kĩée e náa bọ́ló kọ nen ea é fã Bàrì á sì. Be à sẹlẹ náa ólò tã̀àgã na ló Bàrì, bugi Kpá Káí, sí nònù, àbèè ge kọ́ kpẹ̀a. Dì belí nvín ãa gbálà e kpá Próvẹẹ̀b kọ́ nú ea kil lóá, à sí pọ́lọ́ tṍó ea ni ne gã́bug béèlàfùl e nyìmànù á gé m. Éé ní e níí noomài ẽ́? À dú bíi kọ é kpòòlà lóó lọl ló gè sí pọ́lọ́ vaá kìn ge naa gbò nú ea é náa kọ é sí pọ́lọ́. Níà kà lèlà nú e Sólomòn géè kọ́ nú ea kil lóé.​—Máát. 5:​29, 30. w24.07 16 ¶10-11

Éé ní ea dú nakà gyọ́í é? Níà tóm gè vee kpẹ̀a ea kil ló Boǹ Méné Bàrì ea é duulà dùm gbò nen. (2 Kọ́r. 4:1) Éé ní ea dú ńbã́á sãa ẽ́? À doà bá gbò gyóòlo Bàrì e bà gé kọ́ lé kpẹ̀aí nè dõona gbò. Mm̀ deè Pọ́ọ̀la, gbò ùlà ki beè olòó tú ńbã́á sãa dààmàgì gyọ́ e ka di ló belí gyã́á, míí, nè kpègè. Mm̀ tẽ̀ènè sĩ́deèá, Jìhóvà a tú beele kọọmá lé kpẹ̀a e ka di lóí. Boo béè kọọ̀ Jìhóvà dìí ló, èé íe kói gè vèèmà lé kpẹ̀aí mm̀ bọ́ọ̀ló dẹ̀lẹ̀ nyíé boo. Sìgà tṍó, pọ̀ é láá siíi ló gè kọ́ kpẹ̀a nè gbò nen àbèè kọọ̀ pọ̀ sííi kọ bà náa é pãanéi tṍ ló. Mósĩ́ deè ní eé láá bé èlbà nakà nu ànà-ànàí ẽ́? Bugi togó boo tã̀àgã ló Bàrì e gbò tóm beè tã̀àgã̀ tṍó e bà kọ́ nè va kọọ̀ bàá gá kọ ná kpẹ̀a. Tãa vó e pọ̀ síí va, ba beè bàn Jìhóvà kọ á neè va taaà ló gè loomá bel. Tẽ̀ènè tṍóá, Jìhóvà beè aalá ba tã̀àgã ló. (Tóm 4:​18, 29, 31) Beè pọ̀ sííi ló gè kọ́ kpẹ̀a nè dõona gbò, à bọ́ló kọ é bàn Jìhóvà kọ á nvèè bá nèi kọọ̀ vulè e íè ló gbò nen á kpáá aga ló kọbé pọ̀ náa sííi tṍó e gé kọ́ kpẹ̀a nè va. w24.04 16 ¶8-9

Vulè e íè kilma ló Jìhóvà ólò naa kọ é nvèè ka ló a bée. Níí tõó dọ̀ kọọ̀ èé kọ́ nè gbò nen kọọ̀ gbò bel e Sétàn ni kọ́ kilma ló Jìhóvà dú kyáá. (Jén. 3:​1-5; Jóòb 2:4; Jṍòn 8:44) Tṍó e gé kọ́ kpẹ̀a, à ólò tànii gè kọ́ gbò kà-kà bel ea kil ló Jìhóvà nè gbò e bà pãanéi tṍ ló. È ólò gbĩ́ kọọ̀ kọ̀láá nen á nyimá kọọ̀ pọ̀bkà kpãa e Jìhóvà íe dú vulè, vaá a bẹlbẹ̀l dú lé, nè ge kọọ̀ pọ́ì ńkem̀ tṍó àla a Boǹ Méné é lọl dénè tã̀àgã̀ e gbò nen gé téní bá vaá naa kọọ̀ gbò nen á ié fẹ́ẹ́-fẹẹ̀ ló nè ẹ́ẹ́-ẹẹ̀ nyíe. (Ps. 37:​10, 11, 29; 1 Jṍòn 4:8) Tṍó e kọ́ọ̀ gbò nú ea kil ló Jìhóvà nè gbò nen, è náà kọọ̀ a bée á di káí. Nyíéi ẹ́ẹ́ nagé boo béè kọọ̀ è gé náa nú ea bọ́ló kọ é naa dì belí Gbò Neǹ Ditõ̀ò Jìhóvà. w24.05 18 ¶12