Katauraoi Am Kaeka Aika Kateimatoa te Aba

N tain te botaki n taromauri n ara ekaretia, e reke iai ara tai ni kaungaia taari n ara kaeka. (Ebera 10:24, 25) Ti na kangaa ni katauraoi ara kaeka aika a na kona ni kateimatoaia tabemwaang?

• Tataro nakon Iehova. Bubutiia bwa e na buokiko ni katauraoa am kaeka ae oti iai karineana ao ni kaungaaki iai tabemwaang.—TaiAre. 35:18.

• Kataia ni katauraoa am kaeka ao n aki wareka are n te boki. Ngkana ko anga am kaeka n oin am taeka, a na kona tabeman ni karekea reireiaia ngkana a ongora am kaeka ae oti iai am onimaki.

• Kakimototoa am kaeka. A boni kaungaaki riki taari n ara kaeka aika kimototo ao a kai ota, ao e na kona ni bati riki iai ake a na anga aia kaeka.—TaeRab. 10:19

• Aanga am kaeka aika kaungaunga. Tai kabongana am kaeka n anga iai am reirei ni kairiri ke n tiriburea te ekaretia ke te tari temanna.

E ngae ngkana ko aki rineaki, ma ko boni kona naba ni kateimatoaia tabemwaang. Kakauongo raoi n aia kaeka ao kaota am kakaitau iai.—TaeRab. 10:21.