Taeka Aika Kakawaki n te Boki ae Etekiera

“Natin te Aomata”

E RAKA I AON 90 MWAITINA

E raka i aon 90 te tai taekinan Etekiera bwa “natin te aomata.” (Etek. 2:1) Ngaia are e kauringnga Iehova bwa e ngae ngke e karekei mwioko aika kakawaki, ma bon akea okorona ma aomata. Ma n taian Euangkerio ao e taekinaki Iesu bwa “Natin te aomata” 80 tabun te tai, ae e oti iai bwa e bon riki n aomata ao tiaki te anera ae rabwatanna n rabwatan te aomata.​—Mat. 8:20.

A “. . . Na Ataia Bwa Bon Iehova Ngai”

E RAKA I AON 50 MWAITINA

E raka i aon 50 te tai korean ana taeka te Atua iroun Etekiera are a “na ataia bwa bon Iehova ngai” aomata, ae teretere iai bwa bon tii Iehova ae tau n taromauriaki n te aro ae itiaki.​—Etek. 6:7.

“Te Uea ae Moan te Rietata ae Iehova”

217 MWAITINA

E kaoti te taeka ae “te Uea ae Moan te Rietata ae Iehova” 217 te tai, are e a kaota karinean aran te Atua, ao ni katerea naba bwa a mangori riki karikibwai ni kabane nakon Iehova.​—Etek. 2:4.