A Aera Ana Tia Kakoaua Iehova Ngkai A Aki Kabongana te Kaibangaki n Aia Taromauri?

A bati aomata aika iangoa te kaibangaki bwa te kanikina ibukia Kristian ni katobibia te aonnaba. Ma e ngae ngke boni Kristian naba ngaira aika Ana Tia Kakoaua Iehova, ma ti aki kabongana te kaibangaki n ara taromauri. Bukin tera?

Teuana bukina bwa e kaotaki n te Baibara bwa e aki mate Iesu n te kaibangaki ma i aon te kai. Teuana riki, e matoa ana kauring te Baibara nakoia Kristian bwa a na “birinako man taromauriani bouannanti,” ae nanona aki kabonganaan te kaibangaki n te taromauri.​—1 I-Korinto 10:14; 1 Ioane 5:​21.

Ao ae kakawaki riki, e taku Iesu: “Ao ane a na ataingkami aomata ni kabane bwa bon taan rimwiu ngkami, n aei: ngkana kam itangitangiri.” (Ioane 13:34, 35) E katerea ikai Iesu bwa te kanikina ibukia taan rimwina bon te tangira ae ko anga iai boni ngkoe, ao tiaki te kaibangaki ke katotongani bwaai riki tabeua.