MAIURA NI KRISTIAN

Buokiia Aomata Aika Akea Aia Aro Bwa A na Kinaa Aia Tia Karikiriki

Ko a tia n aki kan uarongorongo nakoia aomata aika akea aia Aro, bwa iroum a na bae n aki kan ongora? Ngkana eng, uringnga bwa a bati aeka n aomata aikai, ao i buakoia bon aomata aika aki kakoauaa te Atua, ake a a riki ngkai bwa Ana Tia Kakoaua Iehova. N angiin te tai, a kainnanoa buokaia teutana ibukini kakaaean te bwai ni kakoaua bwa bon iai te Atua ke akea.—Ro 1:20; 10:14.

MATAKU N TE TAAMNEI AE URINGNGA—A KONA AOMATA AIKA AKI KINAA TE ATUA N ONIMAKINA TE ATUA!—AOMATA AIKA AKEA AIA ARO, AO IMWINA KAEKAA TE TITIRAKI AEI:

E kangaa rongorongon Tommaso ni buokiko bwa ko na iango n te aro ae raoiroi ngkana ko uarongorongo nakoia aomata aika akea aia Aro?

Am kaeka

Aroni karaoana

Ngkana e taekinna temanna bwa e aki kakoauaa te Atua, bwaina te akoi, te atataiaomata, ao butimwaea ana iango ma ana namakin iai. (2Ti 2:24) Maroroakini bwaai ake e na bae ni kan ongoraei. E butimwaea te maroro i aon te bwai ni kakoaua teuana, ae a a tia n anaaki iai nanoia aomata aika bati bwa a na kakoauaa ae iai te tia Karikiriki? Ngkana eng, kabonganai booki ao taamnei aika a tia ni katauraoaki ibukin anne. Boroutia n aron Was Life Created? ao The Origin of Life—Five Questions Worth Asking, a a tia ni karinaki bwa kanoan ara Bwai ni Mwakuri Ibukin te Angareirei bwa a na kai kabonganaaki.

N te moantai, ko bae n tabwara ni kani maroroakina te koaua nakon temanna ae aki kakoauaa bwa iai te Atua. E aera ko aki karekea buokam mairoun te tia uarongorongo ae mwaatai riki? Uringnga naba are e kona Iehova ni buokira bwa ti na kona n ringi nanoia naake a tauraoi nanoia ni butimwaea te koaua—e ngae ngkana n te moantai a aki kani kakoauaa bwa bon iai te Atua.—Mwa 13:48.