Kamanenai Baika A Riiriki n Am Mwakuri ni Minita

E kamanenai baika a riiriki Iesu ngkana e angareirei n ana mwakuri ni minita. (Rk 13:​1-5) Ko kona naba ngkoe ni kamanenai baika a riiriki bwa a aonga ni kan ongora aomata n rongorongon te Tautaeka n Uea. Tabeka te titiraki ae e na kammwakura te iango imwin taekinan rikirakeni bobuakan te maiu, te kabuanibwai ae karina, te kakiriwe irouia aomata, te tautoronaki n te drug ke te bwai riki teuana. Ko kona ni kangai: “N am iango, e na iai tokin te . . . ?” ke “Tera katokan te . . . ?” Imwina, tibwaa te kibu man te Baibara ae irekereke ma te reirei anne. Ngkana e kan ongora te aomata, kaota te taamnei teuana ke te boki teuana man Ara Bwai ni Mwakuri Ibukin te Angareirei. Ti bia “karaoi bwaai ni kabane ibukin te rongorongo ae raoiroi,” ngkai ti kataia n ringi nanoia aomata n ara aono.​—1Ko 9:​22, 23.

Baikara reirei aika a kan ongongora riki iai aomata n am aono?