Tibwaa te Rongorongo ae Raoiroi ae E a Kaan Roko te Aonnaba ae Boou!

N Nobembwa ao ti na kakorakoraira n tibwaa te rongorongo ae raoiroi ae e a kaan roko te aonnaba ae boou. (TA 37:​10, 11; Kao 21:​3-5) Kaangaraoa am babaire bwa ko na uataboa te mwakuri ae okoro aei. Ngkana ko na riki bwa te bwaiania ae aki katoatai n te namwakaina anne, ko kona ni kakoroa 30- ke 50-te aoa.

Katauraoa te kibu teuana ae ko na tibwaia ae kaineti ma te aonnaba ae boou, ma aomata aika kona n reke iroum. Ngkana ko kakaaea am kibu, iangoia bwa tera ae anainano riki nakoia kaain am aono. Ngkana iai ae kan ongora ni moani kawarana, anganna katoton Te Taua-n-Tantani Na. 2 2021. Ao waekoa manga okiria n te tai ane e angaraoi, ni moana te reirei n te Baibara n te boroutia ae Ko Kona ni Kukurei n Aki Toki! Ai boni kakimwareireira uataboan tataekinan te “rongorongo ae raoiroi ae taekan te bwai ae raoiroi riki”!​—It 52:7.

MATAKU N TE ANENE AE N TE WAAKI AE BOOU, AO KAEKAI TITIRAKI AIKAI:

• Tera te bwai ae raoiroi ae kantaningaia te ataeinnaine aei?

• Baikara bwaai tabeua aika ko kariariai riki n te waaki ae boou?

• E na kangaa kananoan am iango n te kantaninga anne, ni buokiko n uataboa te mwakuri ae okoro n Nobembwa?​—Rk 6:45