Ko tabe n uaiakina ngkai tiam ae te bwabetito?
MAIURA NI KRISTIAN
Rinea te Beku Iroun Iehova
Ngkana te Kristian ngkoe ae te roro n rikirake ke ae ko reirei n te Baibara, ko iaiangoa tiam ae te bwabetito? Bukin tera bwa ko riai ni bwabetito? Te katabu ao te bwabetito e karekea nakoira te iraorao ae okoro ma Iehova. (TA 91:1) A karekea naba kamaiuara. (1Be 3:21)Ko na kangaa n roko ni mwaneka aikai
Kakoauaa raoi i bon iroum ae bon aei te koaua. Ngkana iai titiraki aika ko tabeaianga iai, karaoa am ukeuke n reirei i aoia. (Ro 12:2) Atai bitaki aika ko riai ni karaoi, ao karaoi ibukini kani kakukureian Iehova. (TNR 27:11; Ebt 4:23, 24) Teimatoa n tataro ni butiia ana ibuobuoki. Kakoauaa raoi ae e na boni kakorakorako ao ni kateimatoako Iehova rinanon taamneina ae raoiroi ae mwaaka. (1Be 5:10, 11) E boni materaoi am kakorakora ae ko karaoia. Te beku iroun Iehova bon te maiu ae te kabanea n tamaroa!—TA 16:11.
MATAKU N TE TAAMNEI AE TE KAWAI NAKON TE BWABETITO, AO KAEKAI TITIRAKI AIKAI:
Baikara kangaanga ake a a tokanikai iai tabeman bwa a aonga ni bwabetitoaki?
Ko na kangaa ni karikirakea te onimaki ae kainnanoaki ibukini katabuan maium nakon Iehova?
Tera ae a kairaki iai tabeman bwa a na karaoi mwaneka aika kainnanoaki ibukin te bwabetito?
Baikara kakabwaiaaia naake a rinea te beku iroun Iehova?
Tera ae nanonaki n te katabu ao te bwabetito?