Tera Aroni Kakawakin Ana Taeka te Atua Iroum?

Iai n te Baibara ana iango ao ana taeka Iehova ae te Atua, ae te tia Korea te boki ae tabu aei. (2Be 1:​20, 21) Ibukini boutokaan riaini mwaakan te Atua n tautaeka rinanon ana Tautaeka n Uea, e kaotaki n te Baibara nakoia aomata nako te kantaninga bwa n te tai ae waekoa e nang nakoraoi riki te maiu. E kaotaki naba n te Baibara aroaron Tamara are i karawa ae Iehova ae tatangira.​—TA 86:15.

A bati bukina ae e kakawaki iai Ana Taeka te Atua iroura n tatabemanira nako. Ma te koaua bwa ti kaotia ae e rangi ni kakawaki te bwaintituaraoi aei n arora ni warekia ni katoabong ao ni maiuakinna? E bia kaotaki n ara mwakuri bwa ti inanoi ma ana iango te tia areru aei: “Ai batira tangiran am tua irou!”​—TA 119:97.

MATAKU N TE TAAMNEI AE E KAKAWAKI IROUIA TE BAIBARA​—MWAKORONA (WILLIAM TYNDALE), AO KAEKAI TITIRAKI AIKAI:

• 

  Tera bukin rairani mwakoron nako te Baibara iroun William Tyndale?

• E aera bwa e rangi n rianako ana kakorakora n raira te Baibara?

• A kangaa n roko i Engiran katoton te Baibara ake e rairi Tyndale?

• Ti na kangaa ngaira n tatabemanira nako ni kaotia bwa e rangi ni kakawaki iroura Ana Taeka te Atua?