MAIURA NI KRISTIAN
N Ningai ae N na Manga Beku Iai Bwa te Bwaiania ae Aki Katoatai?
E kaotaki n ana miitara Etekiera ibukin te tembora bwa a na anga aia karea ae nako mai nanoia ana aomata Iehova. Ti na kangaa ngaira n tatabemanira nako n anga te karea ni karaoiroi?—Ebr 13:15, 16.
Te anga teuana ae moan te tamaroa bon te beku bwa te bwaiania ae aki katoatai. N te ririki ni mwakuri ae 2018, iai tabeua namwakaina aika nimaua iai te Kaonobong ke te Taabati. E angaraoi riki aei ibukia naake a kabwanina aia tai ni kareketianti ao a uataboa riki te mwakuri ni minita n te wikeen. Irarikin anne, a kona naba taan uarongorongo n rinea 30 ke 50 te aoa ae a na bwaiania iai n namwakaina aika Maati ao Eberi, ao n te namwakaina are e roko iai te mataniwi n te aono.
Ma tera ae ti na karaoia ngkana e kangaanga iroura te beku bwa te bwaiania ae aki katoatai? Ti boni kona ni kakorakoraira ni kanakoraoa ara mwakuri ni minita ao tao ni kabatiaa riki ara tai iai. N aki ongei baika riki nakoira, ma ti bia kaumakaki n tangiran Iehova bwa ti na anganna ara kabanea n tamaroa n te ririki ni mwakuri ae 2018!—Ot 14:2.
N na kangaa ni katotonga ingaingan nanon Sabina Hernández?
MATAKU N TE TAAMNEI AE I KONA NI KARAOI BWAAI N ANA IBUOBUOKI IEHOVA, AO IMWINA KAEKAI TITIRAKI AIKAI:
Tera ae e kaungaa Sabina bwa e na kabatiaa riki ana tai ni beku ibukin Iehova?
Ko kangaa ni kaungaaki n ana katoto Sabina?
Te namwakaina raa ae ko kona ni beku iai bwa te bwaiania ae aki katoatai n te ririki ni mwakuri ae 2018?