Onimakina Iehova ao Kakaraoa ae Raoiroi

“Tai . . . bakantang irouia taani kakaraoa ae bure”

37:1, 2

• Tai kariaia nakoraoin aroia ae aki teimaan aomata aika buakaka bwa a na katikikonako man am beku iroun Iehova. Teimatoa ni kaatuua am iango i aon tiam ao kakabwaiaam n te onimaki

“Onimakina Iehova ao kakaraoa ae raoiroi”

37:3

• Onimakina Iehova bwa e na buokiko ngkana ko tabeaianga ke n raraoma. E na buokiko n teimatoa ni kakaonimaki

• Katabetabeko n tataekina te rongorongo ae raoiroi ibukin Ana Tautaeka n Uea te Atua

“Karekea te kimwareirei ae korakora iroun Iehova”

37:4

• Bairea am tai ni wareka Ana Taeka te Atua ao kananoa am iango iai ma tiam ae kinaakin riki Iehova

“Angan Iehova arom”

37:5, 6

• Onimakina raoi Iehova bwa e na buokiko ni kaaitarai am kangaanga

• Kateimatoa te aroaro ae raoiroi ngkana ko kaaitara ma te totoko, te bwainikirinaki, ke te kabuakaka

“Teimatoa ni kainabwabu i matan Iehova ao tataningaia ma te ingainga”

37:7-9

• Tai waekoa ni karaoi mwakuri aika kona ni kabuaa kimwareireim ao manom n te onimaki

“A na abana te aonnaba akana nimamannei”

37:10, 11

• Ukera te nimamannei, ao nanorinano ni kantaningaa Iehova bwa e na kamaunai ribuaka ni kabane ake ko kaaitarai

• Boutokaiia tarim n te onimaki, ao karaui nanoia aika rawawata n ana berita te Atua ibukin te aonnaba ae boou ae nang roko