Aokati Bon te Namwakaina ae Kakawaki Ibukin te Mwakuri!

¹ E a tabe ni kaan kauringaan ana ka-100 n ririki n tei Ana Tautaeka n Uea te Atua. Ai tonura ngkanne kamoamoaan Iehova iroura ni karaoan te mwakuri ae okoro aei! N Aokati ao ti na uataboa te mwakuri ni kabutaa te aonnaba ibukin tibwatibwaakin te turaeki ae boou ae atunaki ni kangai: Ti na Karekei Mai ia Kaekaan Titiraki Aika Kakawaki Aika Irekereke ma te Maiu Aei? A kaungaaki taani wareware bwa a na nori kaekaan titiraki aikai n te Baibara ao ni kabwarabwaraaki aroni buokaia ae kona n reke n jw.org.

2. Ti na kanga ni boutokaa te “takarua te takarua ae korakora ni kamoamoaa Iehova’ ae na karaoaki n Aokati?

² Takarua n te Takarua ae Korakora ni Kamoamoaa Iehova: Ibukini buokaia taan uarongorongo bwa a na karababaa aia tai n te mwakuri ni minita ao e a tia ni karaoaki te babaire ae okoro ibukia aomata aika tangiria n auxiliary bwaiania n te namwakaina ae Aokati. N te namwakaina anne ao a kariaiakaki taan uarongorongo aika tia ni bwabetitoaki bwa a na kakoroa te aoa ae kainnanoaki ae 30 ibukin te auxiliary bwaiania. Kioina ngkai nimaua mwaitini boong aika te Kanimabong, te Kaonobong ao te Taabati n te namwakaina ae Aokati, a a kona n auxiliary bwaiania taan uarongorongo aika bati aika mwakuri ni kareketianti ke ataei aika kaea te reirei i nanon te wiki. Ngkana iai temanna ae reirei n te Baibara ae noraki rikirakena ke te ataei ae kan riki bwa te tia uarongorongo, waekoa n reitaki ma te mataniwi ibukin te rabwata n unimwaane. Ai kaungananora anne ibukia te koraki akanne ngkai a nang ira buakoia taan uarongorongo i nanon te namwakaina ae rangi ni kakawaki aei! E ngae ngke a bati regular bwaiania aika a anaa aia motirawa i nanon Aokati imwini kakororaoan aia aoa ae kainnanoaki n te ririki, e kona naba n reke angaia n bita aia babaire bwa a aonga ni kabwanina aia tai n uataboa te mwakuri ae okoro aei. Aio te tai are a riai utu nako ni maroroakina aroia ni boutokaa te ‘takarua n te takarua ae korakora ni kamoamoaa Iehova’ ae na karaoaki n Aokati.​—Etira 3:11, BG; TaeRab. 15:22.

3. Tera te kantaninga ni kaineti ma te mwakuri ae okoro aei?

³ E ngae ngke ti a tia ni karaoa te mwakuri ae okoro n aron aei ae kakaraoaki n taai aika nako ma ara kantaninga bwa e na rangi ni kakawaki naba karaoan aei. Ti kona ni karekea te ware ae boou ae te kabanea ni bubura ni mwaitin te aoa, taan uarongorongo ao auxiliary bwaiania i nanon Aokati? Ngkai e nang roko n tokina te ririki ni mwakuri ae 2014 ao e bia kakabwaiaa Iehova aia kakorakora ana aomata ni kabutaa te aonnaba, ni karikan Aokati bwa te namwakaina ae rangi ni kakawaki ibukin te uarongorongo!​—Mat. 24:14.