Kabonganai Booki Aika a Maan Taia Aika Iai n te Ekaretia
A mwaiti ekaretia ake a kakawakini booki aika a maan taia. E aera ngkai ko aki karekei katotoni booki akanne ni kawakini bwa oin am boki n reirei? Ni koauana, tao ko a tia n rinanoni kanoan tabeua mai buakoni booki aika a maan taia aikai n te Watchtower Library. Ma iai naba kakabwaia ni karekeani katotoni booki akanne bwa oin am boki. Ko reirei n te Baibara ma te aomata ae noraki rikirakena iai? Ngkanne kaungaa bwa e na karekei booki aika a maan taia aikai ao ni karekei bwa oin ana boki n reirei. E riai n taraia raoi te mataniwi n te Kuura ni Kataneiai Ibukia Taan Uarongorongo bwa e na iai n te tabo n tangoboki n te Tabo n Taromauri, kaka teuana mai buakoni booki aika a maan taia aika iai n te ekaretia. A teimatoa ni manena booki aikai. E raoiroi ibukira bwa ti na kabonganai booki aikai nakon are ti na katikui n te kabwate ni boki n te ekaretia!