Maroro Aika Kona ni Kabonganaaki ma Ara Maekatin
Te Taua-n-Tantani Eberi 1
“Angia aomata a ataa te tua teuana mai buakon Tuua Ake Tebwina n te Baibara ae ko na tai ira. Ko iangoia bwa ko boni kona ni bwaina te koaua n taai nako, e ngae ngkana ko kaaitara ma te kangaanga ibukin te mwane? [Kariaia te kaeka.] A iangoia aomata tabeman bwa iai aroaro tabeua ake a boutokaa bwainakin te kewe ke te ira. E na neneraki te iango aei n te kaongora aei, ao e anga te ibuobuoki ae manena ae boto i aon te Baibara.” Kaota te kaongora anne ni moan te iteraniba 21.
Te Taua-n-Tantani Mei 1
“A a mwaiti aika taekinna bwa Iesu bon te aomata ae te kabanea ni kakannato n rongorongon rimoa ngkana a titirakinaki. Ko rineia naba ngkoe? [Kariaia te kaeka.] Nora bukina ngkai ae ti riai ni kataia n neneri raoi iango aika kauntaba ibukina bwa ti aonga n reiakina te koaua. [Wareka Ioane 17:3] E kaotaki te bwai ae taku te Baibara ibukin Iesu ao ana reirei n te kaongora ae okoro n Te Taua-n-Tantani aei.”