Reirei 16

Am Moti n Nano ae Ko Na Toro Iroun te Atua

Tera ae ko riai ni karaoia bwa ko aonga n riki bwa raoraon te Atua? (1, 2) Ko na kanga ni katabua maium nakon te Atua? (1)

N ningai ae ko riai ni babetitoaki? (2)

Ko na kanga ni kakorakoraki bwa ko aonga n teimatoa nikakaonimaki iroun te Atua? (3)

1. Ko riai ni karekea te atatai ae bon tau ibukin te koaua man te Baibara, bwa ko aonga n riki bwa raoraon te Atua (1 Timoteo 2:​3, 4), onimakini bwaai aika ko a tia n reiakin (Ebera 11:⁠6), raraoma ibukin am bure (Mwakuri 17:​30, 31), ma n raira aroaroni maium. (Mwakuri 3:19) Ao ngkanne, tangiran te Atua iroum, e riai ni kaungako bwa ko na katabua maium nakoina. E nanonaki n aei, bwa ko na tataro nakoina n tuangnga bwa ko anga maium nakoina ibukin karaoan nanona.​—⁠Mataio 16:24; 22:37.

2. Ngkana ko a tia ni katabua maium nakon te Atua, ko riai ni babetitoaki. (Mataio 28:​19, 20) Te babetito, e kaongoia aomata nako, bwa ko a tia ni katabua maium nakon Iehova. Mangaia are, te babetito, bon te bwai ae riai ni karaoaki irouia aomata aika a tau ni kona ni motiki nanoiia bwa a na toro iroun te Atua. E riai ni bane, rabwatan te aomata ae babetitoaki, ni kateboaki n te ran.​—⁠Mareko 1:​9, 10; Mwakuri 8:⁠36.

3. Ngkana ko a tia ni katabua maium, ao e na kaantaningaiko Iehova bwa ko na kakoroa nanon am berita. (Taian Areru 50:14; Te Minita 5:​4, 5) E na kataia n tukiko te Riaboro, bwa ko na aki toro iroun Iehova. (1 Betero 5:⁠8) Ma kaania te Atua n te tataro. (I-Biribi 4:​6, 7) Reirei n ana Taeka ni katoa bong. (Taian Areru 1:​1-3) Kaaniko ma te ekaretia. (Ebera 13:17) Ngkana ko karaoi bwaai aikai, ao ko na kateimatoaki bwa ko aonga ni kona ni kakaonimaki iroun te Atua. Ao ngkanne, ko kona ni karaoi bwaai ni kabane aika e tangiri mairoum te Atua!

[Footnotes]

E na raoiroi ngkana e na reirei n te boki ae te Knowledge That Leads to Everlasting Life, ke te boki teuana ae ai aron anne ae boreetiaki iroun te Watch Tower Bible and Tract Society, imwain babetitoan te aomata.