A Boutokaa Katean te Tautaeka n I-Iutaia Ana Tia Kakoaua Iehova?

A aki. Ana Tia Kakoaua Iehova boni Kristian aika boto aia koaua i aon te Baibara. E ngae ngke a angareirei Aaro tabeua bwa ikotakia I-Iutaia i Baretain e irekereke ma te taetae ni burabeti n te Baibara, ma a aki kakoauaa anne Ana Tia Kakoaua Iehova. A aki kakoauaa ae rikiraken te waaki n tautaeka aei e a kaman taekinaki n te Baibara. Ni koauana, e aki boutokaa te tautaeka n aomata teuana te Baibara ke ni karietataa te reeti teuana ke koraki n aomata tabeua i aoia ake tabeua. E kamatataaki n aia maekatin Ana Tia Kakoaua Iehova ae Te Taua-n-Tantani, ni kangai: “E aki boutokaaki n te Baibara katean te tautaeka n I-Iutaia.”

E kabwarabwaraaki te taeka ae Tautaeka n I-Iutaia n Te Encyclopædia Britannica bwa “te waaki n Iutaia ae uaiakinaki iai katean ao boutokaan te Tautaeka n I-Iutaia i Baretain.” E nako te waaki aei man te Aro ao man te tautaeka. A aki kamoamoaa te Tautaeka n I-Iutaia Ana Tia Kakoaua Iehova ao ni karikia bwa aia koaua n aia Aro, ao a tei i nuka n aki irekereke ma te Tautaeka n I-Iutaia.

Te botaki ae Ana Tia Kakoaua Iehova bon tii te Aro, ae e aki irekereke ma waakin te tautaeka, n ikotaki naba ma te Tautaeka n I-Iutaia. E ataaki raoi aroia Ana Tia Kakoaua Iehova n aki irekereke ma te tautaeka teuana, ao iai aaba tabeua ake a rotakibuaka iai n te bwainikirinaki ibukin teia i nuka. Ti kakoauaa ae bon tii ana Tautaeka n Uea te Atua mai karawa ae e na uota te rau ae akea tokina nakon te aonnaba. A bon aki kona ni kakororaoa anne tautaeka n aomata.

Te bwai ae kakawaki irouia Ana Tia Kakoaua Iehova, bon te ongeaba n ana tua nako te tautaeka, n aki ongeia bwa a mena ia. A aki karitei nakon aia kariri taan tautaeka, ke n ira buakon te kaiangatoa.