A Bwabwakabwai Ami Mataniwi?

N aron are e kakaraoaki irouia Kristian n te moan tienture, akea te kaokoro i marenaia mataniwi ma kaain te botaki ni kabane irouia Ana Tia Kakoaua Iehova. A atongaki kaaina ni kabane ake a tia ni bwabetitoaki bwa minita ao a uataboa te mwakuri n uarongorongo ao n angareirei. A baireaki taani Kakoaua nakon ekaretia aika tao kaka 100 kaaina. A beku mwaane aika ikawai n te onimaki n ekaretia nako bwa unimwaane. (Tito 1:5) A karaoa mwiokoaia anne n akea booia iai.