Karaun n Taai Ake A Koreaki n te Baibara

A bae n uringnga taani wareware n te Baibara ae bon taan akawa taan rimwin Iesu tabeman. (Mareko 1:16-20) A kabonganai karaun ngkana a akawa n Namani Kariraia.

A karaoaki karaun mani bibirakin roobu ke karai bwa e na warawara. E kakaokoro buburan matan te karaun ni kaineti ma te ika are e na akawaaki. Iai taiani kabun ke atibu ni karaun aika uarereke ibukini kaiinakoaia, ao karaun aika bubura iai bwaini katinebuaia mai nano ao bwaini kabetiaia mai eta.

A bobuaka taiani karaun. A kona n uruaki n taiani bwaa i kabin taari ke n raeuaaki n tinebun mwaitin iika aika reke. (Ruka 5:6) E taekinaki n te Baibara taekan Iakobo ao Ioane ae a “bonotii aia karaun” ni kabonganaan te neiran ao te karai ae te rinen. (Mat. 4:21) A na boni bae ni bonotii aia karaun taan akawa ni katoatai imwin okia n akawa. E kabwarabwaraia naba taan akawa Ruka ae a “teboki aia karaun” ni kanakoa te baareka. (Ruka 5:2) Imwina ao a katinei aia karaun n taawai bwa aonga n aki mka.—Etek. 47:10.

E kaoia mwaane Iesu ake a taneiai ni kabonganai karaun bwa a na riki bwa “taan akawa aika [konaia] aomata.”