Te Bwai N Ibuobuoki N Te Ukeuke N Reirei

Ko kani wawareki rongorongoni maiuia taari n te onimaki?

A taekina ae kangai te taanga teuana aika a wawareka teuana rongorongoni maiuia taari ni katoa ingabong: “Ti rangi ni kaungaaki ao ni kukurei ngkana ti wareki kaongora aikai! Ti kauringaki iai bwa ti kona naba ni kakaonimaki n aki ongei baika ti rinanoi.” E korea ae kangai te tari te aine ae namakina naba ae ai aron anne: “A kabebetenano rongorongo aikai, a anainano ao a karaunano. E rangi ni manena ao ni kakukurei maiuia taari aikai. I kaungaaki n rongorongoia bwa N na karaoa ae bati riki n te mwakuri ni minita ao e buokai bwa N na kaungaia natiu bwa a na toua te kawai nakon te beku ni kabwanina aia tai ibukin Iehova.”

Ko kona ni kairaki n rongorongoni maiuia taari bwa ko na karaoa ae bati riki n am beku ibukin Iehova, n tokanikai i aoni mamaaram, ao n nanomwaaka i aani kataaki aika korakora ma te kimwareirei ao te rau. Ko na kangaa ni karekei rongorongo aikai?

• Kakaaea te kaongora ae rereitaki ae atuna “Life Stories of Jehovah’s Witnesses” n jw.org ke n te JW Library®.

• Taibina “Life Stories of Jehovah’s Witnesses” n te Watchtower ONLINE LIBRARY^™ ke te Watchtower Library.