BAIKA KAKAWAKI AIKA MENA N ANA TAEKA TE ATUA

Tai Kakairi Iroun Eribati Ngkana Ko Anga te Taeka ni Karaunano

E tuanga Iobi Eribati bwa a aki kona aomata ni kakukureia te Atua (Iob 15:14-16; w05-E 9/15 26 ¶4-5)

E taekinna Eribati bwa e buakaka Iobi ao anne bukina ngke e a rawawata (Iob 15:20)

A aki karaunano ana taeka Eribati nakon Iobi (Iob 16:1, 2)

E koto mataaki Iobi are e onrake rabwatana n te kaboa ao e bukinaki n te aro ae kewe iroun Eribati ao a tarataraia raona ake uoman ake aongkoa taani karaunano naba.

Bon te kewe te baere e taekinna Eribati nakon Iobi. E kakawaki iroun Iehova ara kakorakora ni beku irouna. (TA 149:4) E kona naba n rinanon taiani kangaanga te aomata ae raoiroi.—TA 34:19.

IBUKINI KANANOAN TE IANGO: Ti na kangaa n “taetae ni kabebeteia akana rawawata nanoia”?—1Te 5:14; w15 2/15 9 ¶16.