MAIURA NI KRISTIAN

Ko a Tauraoi Imwain te Kangaanga ma te Mwane?

Ti bon aki kubanrou ngkai baika riiriki n te aonnaba a a karekea kabwakani baike a iangoaki bwa a na teimatoa n nakoraoi ni katobibia te aonnaba. Bukin tera? Ibukina bwa ti a mena ngkai n raabaneni kabaneani boong ao ti kauringaki n te Baibara bwa ti na aki kabotoi ara kantaninga i aon te “kaubwai ae kai mauna.” (1Ti 6:17; 2Ti 3:1) Tera reireiara man ana katoto te Uea are Ieotiabata ibukini arora ni katauraoira imwain te kangaanga ma te mwane?

Ngke e kaaitara Ieotiabata ma kakamaakana irouia natannaomata aika a kairiribai nakoina, ao e bon onimakina Iehova. (2Ro 20:9-12) E boni karaoi naba bwaai tabeua ibukini katauraoaia natannaomata n arona ni kamani kamatoai kaawa ao ni katei naba taian nono. (2Ro 17:1, 2, 12, 13) Ti wanawana ngkana ti kakairi iroun Ieotiabata n onimakina Iehova ao ni karaoi bwaai tabeua bwa ti aonga n tauraoi ni kaaitarai taai aika kangaanga.

TERA AE TI KONA NI KARAOIA IBUKINI KATAURAOARA IMWAIN TE KANGAANGA MA TE MWANE?

Kamatoaa am iraorao ma Iehova: Karikirakea te raunnano n am bwai akana iroum, ao onimakina raoi Iehova bwa e boni kona ni katauraoi baika ko kainnanoi ibukini maium ni katoabong. (Mt 6:26; 1Ti 6:8) Motinnanoia bwa ko na teimatoa ni maiuakin ana boto n reirei te Baibara bwa a aonga n reke baika ko kainnanoi. (Ro 2:21) Iangoa arom ae ko na kateimatoa iai am wareware n te Baibara ao booki riki tabeua aika aanaki n te Baibara, ngkana arona bwa e a aki maiu te iti ke tao te intanete. Kawakin iroum tabeua katotoni booki ao ngkana ko konaa, kamani karekei am boki man te intanete.

Katauraoi am bwai: Kauarerekea te taarau ao te kabanemwane i aoni baika aki rangi ni kainnanoaki imwain rikin te kangaanga ma te mwane. (TNR 22:7) Ngkana ko konaa, kaikoi amwarake aika bon tau ao bwaai riki tabeua aika a na kainnanoaki. A kona n iangoia tabeman bwa a na ununiki ao ni katauraoa aia onnaroka ao ni kateimatoa ibukini kawakinan aia mwane.

MATAKU N TE TAAMNEI AE KO A TAURAOI IMWAIN TE KABUANIBWAI? AO IMWINA KAEKAI TITIRAKI AIKAI:

Mwakoron te taamnei ae “Ko a Tauraoi Imwain te Kabuanibwai?” Te taamnei ae kaotaki iai te Baibara, te baeki ma baika kainnanoaki i nanona, te tareboon, ao taani kateitei.

Tera ae ti kona ni karaoia ngaira ni kabane bwa ti aonga n tauraoi imwain te kabuanibwai?

Your answer

Mwakoron te taamnei ae “Ko a Tauraoi Imwain te Kabuanibwai?” Taari aika ibuobuoki ma te mwakuri ni kateitei ao karuoani bwaai man te kaa.

Ti na kangaa n tauraoi ibukini buokaia tabemwaang?

Your answer