A Kakawaki Ara Tataro Iroun Iehova

Tataro aika butimwaeaki ai aroni boin te bwai ae boiarara ae kakabuekaki i matan Iehova n te tembora. (TA 141:2) Ngkana ti kaota ara tangira ma ara kakaitau nakon Tamara are i karawa, ao ngkana ti taekin tabeaiangara ma baika i nanora nakoina ao ni bubutiia ana kairiri, ti kaotia iai bwa e kakawaki iroura ara iraorao ma ngaia. E iangoi naba Iehova tataro aika kimototo ake a kakaraoaki n ara bobotaki bwa iteran naba ara taromauri ae kakawaki. Ma e na rangi ni kukurei riki ngkana ti bunra nanora nakoina n ara tataro i bon iroura ao ni kaabwabwaka ara tai ni maroro ma ngaia.—TNR 15:8.

MATAKU N TE TAAMNEI AE I BOTUMWAAKA N TATARO, AO KAEKAI TITIRAKI AIKAI:

• Baikara mwiokoani Brother Johnson ake e karekei?

• E kangaa Brother Johnson n onimakina Iehova n te tataro?

• Baikara reireiam man rongorongoni Brother Johnson?