MAIURA NI KRISTIAN

**Kanoan te Boki ae Ko Kona ni Kukurei n Aki Toki! Aika Ibuobuoki**

Ko kukurei ni kamanenaan taamnei ao titiraki aika kammwakura te iango aika n te boki ae Ko Kona ni Kukurei n Aki Toki!? Ao tera aroni kanoana are “A Taku Tabeman,” “Kataia,” ao “Nori Naba Aikai”? Baikara riki kanoana aika ko noria bwa a ibuobuoki n te mwakuri ni karekeaia taan rimwini Kristo?—Mt 28:19, 20.

Te boki ae “Ko Kona ni Kukurei n Aki Toki!” n te “JW Library” app. Te taamnei ae uarereke ae kaota te bae ko na koteia ibukini karekean taian “Taamnei Ibukin Itera 1.”

Taamnei: Ngkana ko tangiria riki ni kaira te reirei n te Baibara ni kamanenaan te boki are a tia ni boreetiaki, ko na kangaa ngkanne ni karekei taamnei ni kabane ke kaongora riki tabeua n te tabo ae tii teuana? N te boki are mena n te tareboon ke te tablet, rinea teuana mai buakon iteran te boki anne akana aua. Mai nano i aan atun taian reirei ko kona ni kotea taamnei ibukin te itera anne. (Nora taamnei 1.)

Teina ae te “Printed Edition”: Ngkana ko reirei ma temanna ni kabonganaan am tareboon ke tablet, e na ibuobuoki nakoim ngkana ko okiokira teina ae te “Printed Edition” n taai tabetai n am tai n reirei. Ko kona ni kotei biriari aika tenua are oti mai eta ao rinea “Printed Edition.” Ko kona ni buokaki n teina aei bwa ko na iaiangoa aron irekereken te baere ko maroroakinna ma te boto n iango n te reirei anne. Ngkana ko na kaokia nakon teina are digital edition, kotei biriari ake tenua ao rinea “Digital Edition.”

Te boki ae “Ko Kona ni Kukurei n Aki Toki!” n te “JW Library” app. Taamnei aika uarereke aika kaota te bae ko na koteia ibukini karekean te bwaoki ae “I a Tauraoi?” ao “Kabwarabwaraana.”

“I a Tauraoi?”: A kaotaki ni bwaoki aikai aika n raabanen te boki, baika ko riai ni karaoi ibukini katauam bwa ko na uarongorongo ma te ekaretia ao ni bwabetitoaki. (Nora taamnei 2.)

Kabwarabwaraana: A katauraoaki iai kabwarabwaraan riki reirei aika kakawaki. Iai te link n te boki are n te tareboon ke n te tablet, ae otioti mai nano ni kabwarabwaraana are e na kaokiko nakon tokim n te reirei teuana. (Nora taamnei 2.)

Taraia raoi bwa e na bane te boki ae Ko Kona ni Kukurei n Aki Toki! ma am reirei n te Baibara, e ngae naba ngkana a a tia ni bwabetitoaki imwaini banena. Ko boni kona naba ni wareka am aoa, okiokirana ao am reirei ma ngaia, e ngae naba ngkana e a tia ni bwabetitoaki am reirei. Ngkana e katoako temanna ao n ibuobuoki n tain te reirei, e kona naba ni warekia bwa ana aoa