Ko a Tauraoi Imwain Rikini Kangaanga?

Ngkai e a kaan tokin te waaki aei, ti a kantaningaa riki rikin te kiriwe irouia aomata, te mwakuri n tiritiri, ao ai rikiraken te buaka. (Kao 6:4) Ti na kangaa ni katauraoira nakoni kangaanga aika imwaira?

• Katauraoiko n te Aro n Taamnei: Atai booto n reirei man te Baibara ao rongorongo aika a na kakorakoraa onimakinan Iehova ao ana botaki iroum, ao ni buokiko bwa ko na teimatoa n tei i nuka. (TNR 12:5; jr-E 125-126 ¶23-24) Aio ara tai ni kakorakoraa riki ara iraorao i nanon te ekaretia.​—1Be 4:​7, 8

• Katauraoiko n te Aro n Rabwata: Taraia bwa ko na mano raoi e ngae naba ngkana ko a aki kona ni kitana am auti, ao karekei bwaai tabeua aika kainnanoaki. Bairea naba arom n otinako man am auti. Tutuoa kanoan am baeki are ko na uotia n rikin te kabuanibwai, ao karini baika a na kona ni kamanoko ao te mwane naba. Ataia bwa ko na kangaa n reitaki ma unimwaane, ao a na kangaa naba n reitaki nakoim.​—Ita 32:2; g17.5-E 3-7

N tain rikini kangaanga, kateimatoa am babaire ni bwaai n taamnei. (Brb 1:10) Kataia tiiku n am auti n aki otiotinako ma tii ngkana e bon riai. (Mt 10:16) Ibuobuoki ma tabemwaang n te amwarake ao bwaai riki tabeua.​—Ro 12:13.

MATAKU N TE TAAMNEI AE KO A TAURAOI IMWAIN TE KABUANIBWAI AE KARINA? AO KAEKAI TITIRAKI AIKAI:

• E na kangaa ni buokira Iehova n tain te kabuanibwai ae karina?

• Baikara aanga aika manena aika ti kona ni karaoi bwa ti aonga n tauraoi?

• Ti na kangaa ni buokiia tabemwaang ake a rotaki ni kabuanibwai aika karina?